[ندى نصر]

يا دنيا زودتي همِّي

يا دنيا نشفتي ريقي

حريق حسّاه ف دمي

ولا نور يضوي ف طريقي

ولا قلب لقيته جنبي

يقاسمني ف ليل شجوني

ولا كلمة من حبايبي

تصبَّر غربة سنيني

يا دنيا إيه الحكاية؟!

ليلك ما بينتهيش

بتقولي الفرح بكرة

وبقول يا مين يعيش

نمشي والخطوة حايرة

كاسة وع الخلق دايرة

الضحكة ليه ف زمانا

ضايعة وملهاش وطن؟!

عايشين نسأل عليها

دابت وسط المحن

لو كان المال بينفع

كان رجَّع فرحنا

كان أمِّن خوفنا ولّا

كان دبِّل جرحنا

لا المال نشِّف دموع

ولا قاد لينا الشموع

ياللي بعدتوا عنّا

وجنِّتكوا ف قربنا

فاكرين هتروحوا منّا

ده حياتكم حبِّنا

ياللي الأوهام خانتكم

وهزمكم ضعفكم

مين هيحس بآلامكم

ويخاف على دمعكم

لو حتى فات سنين

مش هيموت الحنين

يا دنيا زودتي همي

يا دنيا نشفتي ريقي

حريق حسّاه ف دمي

ولا نور يضوي ف طريقي

بقلم/ ندى نصر

[عادل ابوعمر]

جميل شعرك وجميل زجلك جميل حزنك وجميل فرحك .. جميل وراقي حرفك .. دمت مبدعة ..تحية لبنت دمياط الشاعرة الشاعرة ..

[منى هلال]

جميل هذا الزجل
معبر وانسيابي

صحيح والله ما قلتِ هنا:

لو حتى فات سنين

مش هيموت الحنين


أجمل تحية لكِ ولكل أهل مصر الحبيبة

[ندى نصر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة عادل ابوعمر جميل شعرك وجميل زجلك جميل حزنك وجميل فرحك .. جميل وراقي حرفك .. دمت مبدعة ..تحية لبنت دمياط الشاعرة الشاعرة ..

الأستاذ الفاضل عادل أبو عمر..
أشكر لك أنيق حضورك ورقيق كلماتك
إطراؤكم شرفٌ كبيرٌ لي..أتمنى أن أكون عند حسن ظنكم دوماً
أخجلتم تواضعنا يا أستاذي
فائق احترامي وتقديري لكم

[ناجية عامر]

هدا هو حال الدنيا أستادة ندى
حروفك رائعة و معبرة
تحيتي

[ندى نصر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة منى هلال جميل هذا الزجل معبر وانسيابي صحيح والله ما قلتِ هنا: لو حتى فات سنين مش هيموت الحنين أجمل تحية لكِ ولكل أهل مصر الحبيبة

أختي العزيزة منى هلال..
أسعدني كثيراً حضوركِ البهي ومروركِ العطر
عميق شكري وتقديري لكِ..وتحية بعطر الكنانة لروحكِ الطيبة