|
|
||||||||
 |
 |
|||||||
|
||||||||
|
||||||||
|
03 / 02 / 2011, 27 : 12 AM
|
رقم المشاركة : [1] |
|
كاتب نور أدبي مشارك
|
بحبة هدوء
بحَبِّة هدوء وقبل اما نِحْبـِس شبابنا البريئ .................. ................ تعالـــوا نشوف اللي كان السبب تعالــــوا نفكـَّر بحبــة هـــدوء ................... ................ نشوف ليه وَصَلنا ليوم الغـَضـَب نلاقي المواطِن حياتـُه في ضِيق ................ ................. وبيتـُه الصُغـَيَّر عليـــه انخـَرَب لقى نفـْسـُه ضايِّع ف وسْط الطريق ............. ................ لا مات واستريَّح ولا هوَّ عـــاش ـــــــــــــــــ وأسعار بتغـْلـَىَ يوماتي عليـه .................... ..................... وهُوَّا بيقبض بنفس الأجُــور وبعد اما كان بيقولولوا يا بـِيه .................... ............... بقىَ طـُور في ساقيَّه وعَمَّال يدُوُر عشان يلـْقـَىَ عائد يعَكـِّز عليه .................... ................... مع فلوس مُرَتب مَيـِكفيش فقير وجار مليونير ماشي قـُدَّام عنيه ................. ................. من العِِز منفوخ وعامِل طـَنـَاش ـــــــــــــــــــ وزاد الحكايه عليه البوليس ...................... ..................... بيعتِقلـُه دايمًا بدون اتِهــــام يحُطوه يحارب في حبِّة ناموس ................ ............... في تخـْشِيبه غرقانه مَيَّه وضلام ناموس كل واحده بحجم الجاموس ............. ................... مِلازمُه مخليه ما يعرف ينام وإن عينـُه غِفـْلِت يصحيه كابوس .............. ............... بحلـْمُه الرهيب اللي مَبْيتـْنساش ــــــــــــــــــ تعالوا ادخلوا في بيوت الغلابه ................ ................... تِلاقوها عايشه مع المُستحيل وكل البيوت عامله زي الخـَرَابه .............. ............. ما يدخـُلها نور في نهار أو ف ليل وإبنـُه ف مدارس وآخِر خـَيابه ................. ................. حُمَار بس ناقِص يرَكـِّبلـُه ديل وأما المُدرس فزي الديابَـه ..................... ............. يا درسين خصوصي يا إمَّا بلاش ـــــــــــــــــــ ولو كان حكومة البلد دِيَّا ناصحه .............. ...................... لكانت تحاول تحل المشاكل ويمكن مشاكل كبيره وطارحه ................. ................. ولاكِنها عاوزه مُخـْلِص وعاقِل يفـَتـَّح شويه يلاقيها واضحه ................... ................. ومحتاجه يحْسِب شوية مسائل مع الصِدْق ومْعامله فيها مُصارحه ........... ................... وتأمين معيشـَه لحد المَعاش ــــــــــــــــــــ ودستور قديم من زمان فيه أمُور ............ ................... عتيقه ودارت عليها السنين وفيه المعاني ما بين السطـُور ................ ..................... وتنفع نفَسَرها بالمعنـَيين ومحتاج لواحد مُخضرَم خبير .............. ................ يِظـَبَّط موادُه اللي مِتـْفـَبْركين عشان بيه مراكب بلدنا تسير ................ ................... تمُر ف زوابع ومتهزهاش ــــــــــــــــــ قانون الطوارئ ملوش لازمه خالِص ........ ............. كفايه المُوَّاطِن حياتـُه ف طوارئ ويومه ملان بالألم والحوادث ................... ............ ما فيه ساعه واحده يكون فيها رايق في وسْط المشاكل ملخـْبَط ولايِّص ............. ........... وقطر الغـَلا برضُو ف العِنـْد سايِّق ولو مجلس الشعب لامِس وحاسِس ............. .................. بأزمة مواطِن لـَصَابُه اندهاش ـــــــــــــــــــ وليه الضرايِّب على كل حاجه ................... ................... ما سابت ولا حتى شقه بْإيجار وليه المواطن هيدفع في حاجه ................... ................. ومعروف إنها تبقى للأسره دار وليه الوزير يبقى زي الخواجه ................... ............ اللي فلـِّس وباع حتى عُقب السيجار فجاب الدفاتِر يشوف أي حاجه .................. ................. ديون ع الزبون من زمان ملتقاش ــــــــــــــــ وليه ييجي نايب مينفعش نايب ..................... ..................... بتزوير نتيجه في يوم انتخاب وهربان من الجيش وحق الضرايب .............. .................. ويمكن كمان كان حرامي وتاب وفي دايرتـُه يبقى إس المصايب ................... ................. وف حواره دايمًا يكون فيه سُباب ورغم انه خايب وشايب وعايب .................. ............... معلـَّق يُفـَط قال ( نزيه ) مخـْتشاش ـــــــــــــــ وحتى العلام في البلد كلـُه فاشل ................... .................... يخرَّج صحيح في النهايه الكتير ورغم انـُه خريج وأبيض وجاهل ................... ...................... مِعَشـِّم يواصل ويوصل مدير وعامل بسيط هوَّا بس اللي شايل ................ ..................... مصالح بلاده بجهدُه الوفير بإخلاصُه مش بالكـُوَّس والجمايِّل .............. ................. ودايمًا في كل المِحَن مَخـْتـَفاش ـــــــــــــــــــ بلاش يا حُكومه من المحسوبيه ............... ................. وشوفوا المصالِح ملاها الفساد بلدنا بنيلها وناسها غنيَّه .......................... ..................... وياما بتِحْسِدها ع الخير بلاد فخلـُّوا الدخول ع الجميع مِتساويه .............. .................... لا فيه حد ناقص ولا حد زاد بلاش يا حُكـوُمه تبيعي الرَعِيَّه ................. ............ برُخـْص التـُراب واللا حتى ببلاش ********* نور الأدب (تعليقات الفيسبوك) |
|
|
 |
| مواقع النشر (المفضلة) |
| الكلمات الدلالية (Tags) |
| لجوء, بحبة |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ميرامية .. فيلم قصير عن نكبات الفلسطينيين .. لجوء الى لجوء | ميساء البشيتي | نورالاستراحة الصوتية والمرئية | 3 | 26 / 04 / 2014 59 : 08 PM |
| لاتظلموا الجاهلية بخبث الاستشراق | حسن ابراهيم سمعون | قاعة الندوات والمحاضرات | 26 | 07 / 02 / 2013 04 : 01 AM |
| الفلسطيني: لجوء بعد لجوء ومعاناة تزداد وتُثقل كاهله | مازن شما | الملتقى الفلسطيني للحوار | 2 | 04 / 10 / 2012 46 : 10 PM |
| هل هناك أدعية وأذكار ليوم الجمعة، وأخرى ليوم السبت، وهكذا .... | ناهد شما | أدعية و أذكار و فوائد دينية | 0 | 30 / 04 / 2010 59 : 05 AM |
| أطفال متروكين لأيام متعلقين بجثث أمهاتهم , إذا كان قلبك قوي ادخل.. | ناهد شما | القضايا الوطنية الملحّة | 0 | 12 / 01 / 2009 25 : 05 AM |
الساعة الآن 25 : 12 PM
 |
