[نجلاء سلامه]

لما كتبنا مهام الثورة
ونادينا بشبابنا الحرة
مقدرشي حد يسكتنا
ولا غير فينا أفكارنا
كان في ناس ضد التيار
بتأيد حاكم غدار
فاكرينا بعقولنا صغار
وإننا ما هنقدر نختار
لكن اتفاجئوا بكل مسار
بنحاوط الخاين في دمار
ماهنترك حقنا ينهار
وان كان حسني رب الدار
هنشيله منها بـ إصرار
ونقوله رافضين بـ عقولنا
إن نظامك كله يخونا
وحقوقنا راح ترجع لينا
بإيدينا هنحمي أراضينا
هـ نغير فُرقتنا بوحدة
والكل هـ يحلف بنجاحنا
بس إيديكم يلا فـ إيدي
ده فلاحنا هـ يكون يوم عيدي
وبلادنا هـ تكون بدايتها
الثورة اللي نجحنا في قيدها
ده المصري محدد خطواته
وحافرها بـ كامل معاناته
وهـ يكتب فـ تاريخه حكاياته
ويحدد أبطال روايته
أسماءهم شهداء ثورتنا
اللي ضحوا لاجل حياتنا
وفدوا بروحهم عز بلادنا
من ظلم الطاغي اللي حكمنا
ونظامه آذاهم وظلمنا
هـ تكوني يا بلادنا الطاهرة
بإيدين أولادي كده خضرة
هـ يكونوا لعيونك ضي
ونشوف بيهم كل الجي
بيغييرأيامنا المره
وتعود لينا بلادنا الحره

[فاطمه شرف الدين]

جميل هذا الصدح وهذا التباهي بهذه الثوره العظيمه التي أفتخر بها وبكم وددت لو كنت بينكم وفي أحضانكم لكن والله شهيد على ما أقول كنت معكم قلباً وروحاً سيدتي هنيئاً لكم ولنا ولكلّ عربي أصيل نعتز بكم ونفتخر تقبلي مروري إبنة الجنوب فاطمه شرف الدين