[محمد جادالله محمد]

حكومة رجال الاعمال

ما لنا.. بركه الا انتم
ياحكومة.. بلدى العزيزة
وليس لنا.. غنى عنكم
ياحكومة. حلوة ولزيزة
انت.. احلى من الحلاوة
انت..اجمل من الموناليزه
كله ماشى كده.. بالهداوة
من فوق وتحت الطرابيزة
بيع وتخصيص للاراضى
الى الهويه.. وحتى الفيزه
انتم النجوم فوق العاده
ياحكومه لك الف ميزة
واحنا هه تحتكم ياساده
غلابه مالنا.. ابدا عوزة
لانراكم.. من ضخامتكم
فقد انتهينا زى البريزة
والمعارضه ابدا لا تقبلكم
وتكرهكم كده بالغريزة
والناس طهقانه.. منكم
من اسوان.. وحتى خنيزة
فين القطن.. وفين الغلة
فين التوتة.. فين الجميزة
فين الخضار.. فين الفاكهه
فين الباميه فين الخبيزة
والثوم البلدى.. راح فين
علشان تلاقيه لازم تعويزه
العبوا بينا العبوا كل يوم
فالعابكم حلوة ولزيزة
امتى تصحوا من النوم
وتخفوا يا اهرام الجيزة
اوجاعنا بتوجع من زمان
وكانها لجنابكم تزغزغ
والمصرف بدموعنا مليان
كم يفيض.. بالدمع ويفرغ
ولم نرى.. منكم انسان
الا اسنان.. تضئ وتبزغ
مع كلمات.. ملونة بالحنان
تعض فى.. اجسامنا وتلدغ
طالما لم نبلغ للحلم.. الان
فوالولايه لكم بالف.. مسوغ
شحطروا المال.. فى كل مكان
واللى يزعل.. يروح يتمرمغ
تخطيطكم.. للتقدم والارتفاع
يهوى بنا.. الى قاع.. القاع
وكل مشروع.. تعدوه للانتفاع
ننكوى.. بسم زنابيره ونلتاع
والاستثمار.. دخل كل قطاع
حتى عمر افندى.. وابنه انباع
كلماتى وبقلمى
محمد جادالله محمد الفحل

[حسن الحاجبي]

ونعم الكلمات الدالة
ونعم القلم الفياض
مزيدا من التألق سيدي الكريم

[فاطمة البشر]

نأسف على أمة لهذا الحال المزري الذي وصلت إليه ،
سررت بمروري على كلماتك
دمت متألقا "أ. محمد محمد "
ودي ووردي

[محمد جادالله محمد]

الاستاذ الفاضل...حسن الحاجبى تقبل نحياتى سيدى..
مرورك شرف لى وتقديرك وسام على صدرى
فلك جزيل امتنانى وشكرى

[محمد جادالله محمد]

الاستاذة فاطمة البشير...مجرد مرورك يا استاذة ..
يعنى لى شهادة تقدير...فمابالك بكلماتك المشجعة
اشكرك سيدتى كل الشكر ...ودائما انت بخير