[فتيحة الدرابي]

اعرفتك آختي الصغيرة احنينة
وهاد لقساوة جاتك منين
اتغيبي علينا اسنين
وملي نقولك
إمتى اتشوفك العين؟
تقولي هاد السؤوال اللي ما تسمعو الودنين
فين غاب إحساسك فين؟
ولا التطبعتي بعادات الغربيين
الوالدين الوالدين
قلها لك مرة واثنين
ما هزك الحنين
ولا الظرف المناسب ابغى وقتو إيحين
يا ريت هاد المرة تسمعي كلامي وتفهميه
اتجي تشوفي باك والطلي اعليه
قبل ما يصبح تحت التراب
وما اتقدري اتوصلي ليه
بحق الخاوة والطعام
بحق ما عشنا معاك من ايام
بحق البزولة وحليب لميمية
غادة نقول ليك كلمات ماش كليمة
باك ما بقات عندو غير عين وحيدة
وحتى هي ماهي اسليمة
باغ يشوفك ويسلم اعليك تسليمة
حارة فيها شوق اسنين كانت عليه اغبينة
تعالي رحمي حتى لميمة
من غيابك اللي طال ومن كلام الناس الشمتانين فينا
تتحسر والطلع التنهيدة
بلا ما نقول ليك راك علينا عزيزة
وبلاصتك ديما صورتك باينة فيها ازوينة
بلا ما نترجاك حتى انت بنته
ماش اعليه اغريبة
حتى انت اخدم اعليك تحت حر الشمس
وف برد الليالي الصعيبة
نتمنى هاد المرة تجي اسريعة
قبل ما يفوت الفوت وتبقى غصة ف قلبك ديما.

[ميساء البشيتي]

وأنا يا فتيحة أتمنى عودتها سريعا
مثل ما تفضلت يا غالية قد تفقد أباها عندها سيعصرها الندم والحنين
كلمات موجعة جدا شعرتها خرجت من قلبك وهبطت في قلبي
أدعو الله ان يطمئن قلبك وبالك .
دمت أيتها الرقيقة المتألقة .

[فتيحة الدرابي]

شكرا غاليتي ميساء على تجاوبك السريع وعلى تقاسمك معي الهم الذي يثقل على قلبي، أتمنى أن تنزل هذه الكلمات على قلبها كما نزلت على قلبك الرقيق، تحياتي عزيزتي الغالية.