[المصطفى حرموش]

الله يلطف،شوفو من حالي
هاد الخدمة..حلفت لا جات
خوكم شوماج،خوكم بطالي
ما قضى سهير،ماقضاو سادات...

راني مهموم،ما أنا بوهالي
القراية سم،والسم لسعات
ما حاسْ بالمزود،
غير المخبوط به بْحالي..
شكون إداوي حر الكيات...

المحسوبية..
المحزوبية..
الوصولية..
والرشوة محزمة بالعلالي،
سير حتى جي..الوقت حماتْ..
كيفاش..سفينتنا غادية بلا مالي؟؟
راه دعاوي البيطالي تقلب فين تْـــبات..

نيران قوية ساكنة ف دخالي،
نتسنى شكون يطفي كي الجمرات..
''كية اللي ما عندو زهر ''
هادا موالي
الزوجة كاينة..فين المحراث؟؟

فين الوعود؟؟هادا سؤالي..
جاوب الوزير..مول الفهامات
صبر شويش حتى سيني الدومالي
نسبق نسيبي..أمول الضخمات

الشكوى للمولى للرب العالي،
يطلق سراحنا،تفرج الكربات..
إعم الخير..التوأم الدوالي،
الواد يحمل..نقول جميع..
الشوماج مات..


القاموس اللغوي:
الدومالي: كناية على المسؤول على مالية الحكومة''وزير المالية""
الضخمات: أصحاب النفود
العلالي: أمام الملأ وفي واضحة النهار

[ليلى مرجان]

هموم البطالي كثيرة رصدت بعضها هذه الزجلية الرائعة
شكرا لك أستاذ مصطفى
مودتي و تقديري

[المصطفى حرموش]

لك مني السلام الأخت ليلى مرجان على المرور,,,هده الشريحة من المجتمع مهمشة وعدم تشغيلها ومد يد العون لها عنوان صريح على فشل الحكومات في تسييرها للشأن العام تحياتي

[فتيحة الدرابي]

المحسسوبية الوصولية المتداولة بالعلالي
ظر ساكن اعظام كل بطالي
نتمنى هاد شي يزول
ويزيان حالك وحالي
ننساوا كل ما عانيناه ايام وليالي.

زجلية تبوح بمعاناة الشباب الذين لا يجدون سبيلا للعيش الكريم رغم حصولهم على الشهادات والدبلومات .
تحيتي لقلم مزجال

[المصطفى حرموش]

مفصل جميل ومقطع يليق أن يتموقع في هده الرباعية الزجلية..ليزيد قتامة الوضع الدي تعيشه هده الفئة المغبونة..تحياتي للأخت فتيحة ولك مني السلام