[ناجية عامر]

الطَّيْر رَبَّا الجْناوَحْ
طََارْ فْ السْمَا و زَادْ عَلاَّ
سَخْنتْ الشَمْس
شَعْلتْ العْوَافي
رْخَى الطّْيْر عْنَانو
و لْسَانو تْدَلَّى
مَهْمومْ و مَظْْيومْ
مَا لاَقِي مَسْبحْ فَاَشْ يْعومْ
يَبَرّْدْ فيه أعْصَابو
و للأرْ ض وَلَّى
لْقَى وَكْرو
فْ الشَّجْرة تْعَرَّّى
وَ وْرَاقْ خْريفو
فيه كَتْسَنَّى
تَغَطّيهْ و تَدفّيهْ
تَحْميه منْ بْرودَة
التلَّْفَة و الدَّورانْ
و العيشَة بْلاَ عَزَْ
بْلاَ شَانْ
عصْفورْتو الثَّانيَة
قَلْعاَتْ ليه الوْتَادْ
سَمْحاتْ ليهْ فْ الوْلاَدْ
و جَرَْدَاتو
و خَلاَّتو بْلاَ زَادْ
بَعدْ ما فْقَد ْالمَكَانَة و المَرْكزْ
رَغْمَتْ عْليه بَاشْ عْليها يَتْخَلَّى
رْجَعَْ لََعصْفورْتو اللولَى
طَالبْ منَْها السْماحَة
جيبو خَاوي
مَصْرانو زَاوي
مَا عنْدو بَاشْ
فيها يَتْهلَّى

[حسن الحاجبي]

الأستاذة القديرة : ناجية عامر
مهما علا الطير
ومهما فرد جناحو
مهما عمر وكر الغير
وغرد في شجار دواحو
لابد يرجع كسير
ويشرق بعد الظلام صباحو
ويلا رجع يرجع الخير
وننساو ليام اللي راحو



مع خالص آيات التقدير والإحترام .

[ناجية عامر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة حسن الحاجبي الأستاذة القديرة : ناجية عامر مهما علا الطير ومهما فرد جناحو مهما عمر وكر الغير وغرد في شجار دواحو لابد يرجع كسير ويشرق بعد الظلام صباحو ويلا رجع يرجع الخير وننساو ليام اللي راحو مع خالص آيات التقدير والإحترام .

أستاذي الفاضل حسن الحاجبي

نورت متصفحي بومضتك الزجلية الرائعة

أسلم يراعك

لك مودتي