[أبوزيد بيومي]

ظابط أمن الدولة السابق

شعر / أبو زيد بيومي

عضو اتحاد كُتّاب مصر

ظابط أمن الدولة السابق
صِحِي من نومه
حزين وكئيب
كان مش طايق
حتى هدومه
حسّ بيومه ....
صعب رهيب
عنده فراغ
طول ليله و يومه
كان متقريف للتعذيب
بَصّ فْ وشّه
لِقِي نظرات ف عنيه بتحشّه
دابّة ضوافر فيه و تْخُشّه
كان محتاج لحاجات بتْفشّه
بَصّ ف وشّه والتكشيرة
إدّى شرارة العين تأشيرة
هَب و دَبّ ..... و عّلا الصوت
بتكشّر لي يابن ال......... ؟
يسخن ...... يضرب بالشلوت
انطق يابني
ولاّ تموت
يصرخ ..... انطق
يصرخ .... يضرب بالنبّوت
انطق يابن ال ..............
مين ودّاك
مين كان جابك
مين شركاءك
مين أصحابك
مين في الصبح بييجي يزورك
مين في الليل بيخبّط بابك
مين بيموّل
مين بيحوّل في الأخبار
إيه خلاك تطلّع دقنك
إنت مخبّي أكيد أسرار
ليه بتصلي
ليه تتوضاّ
طب ليه تقرا جريدة معارضة
إنت أكيد جوّاك تتمنّى
يصبح كل نظام منهار
لف الظابط لفّة ودار
إيه تفكيرك
إيه تدبيرك
مش راح أقبل زيف تبريرك
مش راح آ خد بالأعذار
قول يا حمار
دار الظابط تاني و لَفّ
بصّ ف وشّه بقرف و تفّ

صنف ما ينفع إلا تعامله
بالإهانات
طب وحياة أمك ياحبيبي
لأخليك على جَمْر تبات
إيده تثبّت تحته خازوق
بالأوجاع و يروح ملزوق
تِشْغِي فيه من تحت لفوق
مرة يسورق ... مرة يفوق
ساعة اتنين و تزيد الحدّة
يصبح كل الضرب بشدة
يملا لسانه بكل سفالة
إيده و رجله فيه شغّالة
يغمى عليه ..........
بعد دقايق ..... يرجع فايق
يرجع تاني لطبعه الرايق
ظابط أمن الدولة السابق
لما بيصحى ف يوم مدّايق
لما يلاقي الجو كئيب
أو متقريف للتعذيب
لو تشتدّ عليه الأزمة
لما يعوز الجرعة اللازمة
يضرب نفسه تلاتين جزمة

[عبد الحافظ بخيت متولى]

الله يا دكتور ابوزيد
نص رائع يفضح مماراسات ضباط امن الدولة فى النظام البائد ويكشف مدى سيطرة وتحكم هذا الجهاز فى مقدرات الناس ليحمى نظاما فاسدا جميلة هذه السخرية التى غلفت النص وهذه الصورة التى نحتها الشاعر نحتا لضابط امن الدولة الذى يضرب نفسه وكنت دقيقا فيها جدا فى النهاية النتفجرة الاشد سخرية
كل محبتى وعظيم تقديرى

[أبوزيد بيومي]

أخي العزيز والصديق المبدع عبد الحافظ بخيت

أشكرك كثيرا على اهتمامك بالنص .... كما أشكرك على تحليلك الناقد ورؤيتك الواعية .
كما أشكرك على هذه الحفاوة التي أتمنى ان أكون جديرا بها .

أبوزيد بيومي

[امال حسين]

الدكتور والناقد المحترم أبو زيد بيومى


أولا أهلا ومرحباً بحضرتك هنا فى مجرتنا التى تضم شموس الفكر والأدب وتضيئ معها نور الادب ...وشكراً للأستاذ عبد الحافظ الذى أهدانا اياكم .





ثانياً نص رائع ...لقد استمتعت به جدا وكأنى أعيشه لحظة بلحظة بلغته العامية البسيطه ...مع السخرية مما كان يحدث فى أمن الدوله عندما تقبض على أحد المشتبه فيهم ...حسب مزاج الظابط والأمين والعسكرى والغفير فالكل سواء ولا يتبعون أى قانون .


شكرا دكتور ولك كل الاحترام

[أبوزيد بيومي]

الكاتبة المبدعة آمال حسين

أشكرك على حفاوتك التي أتمنى أن أكون أهلا لها

كما أشكرك على الوقت الذي أهديتيه لقصيدتي ،

و أرجو أن تقبلوني دائما بينكم ،

خالص تحياتي وتقديري

أبوزيد بيومي

[حسن الحاجبي]

أهلا بالشاعر القدير أبو زيد بيومي
ذلك ديدن الضباط حيثما كانوا إلا قلة قليلة ممن يخشون ربهم ويحبون أوطانهم بصدق
إستمتعت حقا بقصيدتك الرائعة .
دمت بكل المودة والتقدير .