[ناجية عامر]

آش دانــــي لشي آمتحان

آش داني نحضر
واخا مراجع و محضر
كيف العادة
كان جوابي عل لوراق
مسطر و محرر
ف البدية طل عليا الزهر
بكيت على زمان الغش و لغدر

رفرف علامي
عولت عل الفرح
وجدت لبخور من مسك و عنبر
لكن هيهات
على آصحاب الصرف
سمعني يا صاحبي
يا الشاد معايا الصف
خوت الجوا و الظرف
محاوني بالكومة
علامي عل لأنظار غبر
ما أنا عدوهم
ما هم عدياني
الغش شفتو بأم عياني
لا حد فيهم سماني
عطاني حقي و رقاني

قبل ما يصحوا لوراق
و يشوفو المضمون
تساءلوا هدا شكون
شكون لغادي يكون
واحد من العباد
ايديه ما توصل لقيعان الخوابي
سوالفو رهيفة ما تشطب زرابي
متاعو قليل ما يعمر قراب
حالتو ضعيفة ما تدخل لجياب

فينك يا صاحبي ف شلا وصاف
دوك دياب ف صفة ناس ظراف
بوح أصاحبي و تكلم
ما عندك مناش تخاف
ما آحنا معاطيب
ما آحنا كفاف
كل ما راج بين الناس لظراف
سمعناه و شفناه
آحسبنا زمانهم تغير
لكن أمرهم ما زال يحير
ما زال القابض لعصا من قفاتها يقرر
هدا يدوووووز، هدا يفوووووز
و هداك علموه يصبغ الوجوه و يجير

وا صاحبي ف شلا وصاف
بوح و تكلم را ما عندك مناش تخاف
ما زال شي جلايل خاصهم التكفاف
ايوا آش بان ليك أصاحبي
و لى نصبرو و نزيدو فالصبر
نكمدو الجرح و نتقبلو المنظر
نخليوها عل الله
نخليو الغارفين من بحور لحرام
يزيدو يغيسوا ف دنوب ليام
لي بان ليك نديروه أصاحبي

ناجية عامر في 13/10/2010

[حسن الحاجبي]

وانا آش داني نفتح هاد الصفحة
لقيتها بعنبر وعطور فايحة
لقيت ناجية عامر
كلامها معقول وتامر
لقيت جنان الحكمة
سواقيه بالمعاني ساحو
ولقيت مقال وكلمة
ورياض الشعر ازهارو فاحو
لقيت الغش معرش
مغرور طافي مصباحو
ولقيت الحق مفرش
والفجر قريب صباحو
الصبر قالو فرج
وبغيت نلقى مفتاحو


هنيئا لك أيتها المبدعة الراقية بهذا الألق .
دمت ودام عطاؤك .

[فتيحة الدرابي]

أختي الجليلة قصيدتك رسالة أتمنى أن يسمعها المعنيين ، دمت متألقة أيتها الزجالة المبدعة

[أسماء بوستة]

رائع ما قرأت هنا أستاذة ناجية
لم أفهم الكثير لكن أحسست بقوة الكلمات و بروح النقد تكتنفها
و زادها بهاءا رد الأستاذ حسن الحاجبي
أظن أن عبارة "آش داني" تعني بالعربية "ما الذي دفعني"
نحن نقول في تونس "آش لَزّنِي"

تقديري لك أستاذتي الطيبة

[ناجية عامر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة حسن الحاجبي وانا آش داني نفتح هاد الصفحة لقيتها بعنبر وعطور فايحة لقيت ناجية عامر كلامها معقول وتامر لقيت جنان الحكمة سواقيه بالمعاني ساحو ولقيت مقال وكلمة ورياض الشعر ازهارو فاحو لقيت الغش معرش مغرور طافي مصباحو ولقيت الحق مفرش والفجر قريب صباحو الصبر قالو فرج وبغيت نلقى مفتاحو هنيئا لك أيتها المبدعة الراقية بهذا الألق . دمت ودام عطاؤك .

أخي الغالي و الزجال الراقي حسن الحاجبي،
السلام عليكم و رحمة الله تعالى و بركاته

كلامي أخويا حسن معقول
جنيتو من حوض الدار
الدار جنة دايرين بها لقوار
الشوك و لحجار
الشجر غرسو حار
ما لايق لا للنزاهة
لا للاستقرار
يساهم غير ف لمر ض
و ف شلا ضرار

شكرا أخي على تفاعلك الطيب
سررت بكلامك الدي أنرت به متصفحي

لك مودتي

[ناجية عامر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة فتيحة الدرابي أختي الجليلة قصيدتك رسالة أتمنى أن يسمعها المعنيين ، دمت متألقة أيتها الزجالة المبدعة

الأستادة الحبيبة، فتيحة الدرابي
السلام عليكم و رحمة الله تعالى و بركاته
هدا ما نتمناة أيتها الطيبة، لكن أين نجد هده الآدان الصاغية....للاشارة فقط الدال هنا معجمة
شكرا على المرور
ابقي بالجوار

لك من المودة الكثير

[ناجية عامر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة أسماء بوستة رائع ما قرأت هنا أستاذة ناجية لم أفهم الكثير لكن أحسست بقوة الكلمات و بروح النقد تكتنفها و زادها بهاءا رد الأستاذ حسن الحاجبي أظن أن عبارة "آش داني" تعني بالعربية "ما الذي دفعني" نحن نقول في تونس "آش لَزّنِي" تقديري لك أستاذتي الطيبة

حبيبتي الغالية الأستادة أسماء،
السلام عليكم و رحمة الله تعالى و بركاته

شكرا لأنك مررت من هنا و أحسست بقوة الكلمات.
في القصيدة لم أستعمل أدوات التلميح لأسهل على المتلقي
فهم ما أقصد من كتابة هده الزجلية البسيطة.
انها المعاناة التي يمر منها موظفي القطاعات العمومية
في الحصول على الترقيةو الغش الدي يحصل أثناء اجتيازهم
لأمتحانات الكفاءة المهنية، لم يستفد سوى دوي التدخلات المكثفة
و أصحاب الرشاوي الى غير دلك...

بالنسبة لآش داني.... لا تعني في القصيد ...ما الدي دفعني... بل لمادا دهبت و حضرت المباراة ما دام الامتحان وصفه المسؤولون بالشكلي .

تقبلي غاليتي تحيتي و تقديري