[خالد مخلوف]

مساء الخير للجميع
من دمشق
نعم عروبة ما ذكرته عين الصواب
ولكن عدونا الأول هو جهلنا
الحمد لله على عودتك ميساء
عم تفركيها كتير هالأيام
يسعد مساكي أستاذتنا وأختنا المنورة
الاستاذه بوران
مساء الخير للجميع

[Arouba Shankan]

لم يتبق لنا جهل يا أخي الكريم ،،الجهل ربما ضيق الآفاق وسعة الاستيعاب
نحن والحمد لله برفقة الانترنت انفتحنا على العالم بأكثر من لغة ،،وعلى ثقافات متعددة الجنسيات
وتعارفنا على أساليب مُبتكرة في الخيانة بطرق غير مباشرة
لنبكي على أيام الجهل كما نساء غرناطة

[ميساء البشيتي]

ما شاء الله حوطتكم بالله
الله يكثر المحبين واللي بيتبرعوا يغلوا قهوة
يا جماعة ليش زايطة وسايطة ومصوصية الخير كتير
وشوالات القهوة على باب المنتدى كثروا بن بتطلع ممتازة وعلى كل حال أنا ما طلع لي ولا فنجان زايط
ما أدري من وين هالمصطلح أخي منذر خلينا على مصوصية أسهل ..هههههههههههههه
هلأ هذه أيامك يا جوزاء .. كل عام وخالد ومحمد وكل مواليد برج الجوزاء بخير يا رب
يا جماعة برج الجوزاء رجاء لما بتتحركوا من أماكنكم تعلنوا للجميع أنكم برج الجوزاء
ليش لأنكم بتغيبوا أشهر وبترجعوا كأنه مبارح .. يعني باختصار أنا مو وحدي اللي بفركها
كلنا صايرين نفركها هذه الأيام .. بصراحة بيني وبينكم وما تخبروا حدا كبر عبر
يعني بعد الخمسين الواحد بيتغير .. صح أنا بعدني تحت الخمسين بس قديش بدي أضل تحت
الخمسين يعني كم شهر .. ما عاد ينفع الحكي .. كبر عبر وياللا حسن الختام ..
طبعا ليلى مبروك على العرس وفعلا عجقات الأعراس صعبة وبتهد الحيل بس
أثناء الحفلة بينسى الواحد كل تعبه .. يا ترى بتسمعوا أغاني متلنا من الأغاني الدارجة
وإلا أعراسكم تعتمد على الأغاني اللي من التراث ؟
طبعا منورين كلكم فاطمة وبورو حبوبتي الحمدلله على سلامتك وسلامتك إنت وناهد
ومنورين بعد منذر ورشيد وسلمان وإلا سلمان فاركها وكذك منورين خالد وليلى ومحمد
ونصيرة وست الكل أم شادي وكل من فكر أن يمر من هنا لو غير رأيه بآخر لحظة
ولا تنسوا رفيقتي فتيحة ومين بعد يا ميساء .. خلاص الكل منور وعروبة بعد
تصبحون على وطن .. الوطن اللي نحبه ونشتهيه ويحبنا ويحتوينا

[Arouba Shankan]

لحظة لا تناموا قبل ما تقرأوا الآتي
طبعا أنتم تتابعوا ولو عن بُعد الأحداث في تركيا والاحتجاجات التي سببها
أنه في وسط استنبول ميدان تقسيم Taksim
يتوسط الميدان حديقة واسعة شاسعة الناس والسواح والزوار بيتمتعوا بالجلسة فيها
قرر أردوغان بدوا يبني مكانها قاعة للمؤتمرات
احتجوا رواد هذا المكان لانها متنفس رائع ومنعش وبناء مبنى رح يحجب الهواء عنهم
وفئة ثانية احتجت لأنه صدر قانون منع القبل وشرب الخمور العلني وإغلاق بيوت الدعارة
الجديد أنه نحن في عنتاب طابع عربي والحمد لله شرقي وينتشر الحجاب فيه
الذي حدث فتيات يطرقن الأبواب يسألن أنتم سنة أم علوية تم إبلاغ البوليس بذلك طبعا
الفتيات عاديات جدا لم أرهن إنما سمعت بالحادثة من جيراني الذين قدمن لمنزلهم الفتيات
هل ستشهد تركيا حرب طائفية الله أعلم
الوضع غير مُطمئن بصراحة ويا حسرتنا على الذي ترك بلده وصدق ببلد غيره في حرية
ــ الأمس خرج المتظاهرون وعلى رؤوسهم زجاجات خمر منددين بالقانون الجديد
لأنه اعتداء على حريتهم !!!
من جهتي سعيدة جدا بهكذا قوانين طبعا فمنع كل ماهو خادش للحياء والاخلاق العامة
لا شأن للطائفية والتعددية الدينية به ،،ومخالفة الآداب والاخلاق العامة
أمر ترفضه الديانات بكافة طوائفها ومذاهبها
فما دخل عنتاب بما حدث في استنبول
تصبحوا على خير

[فتيحة الدرابي]

ما هذا يا ليلى سهر طول الليل وحراسة ؟ أظنك ستغمضين عينيك، اغمضيهم ولا تنسي أنك كنت طالبة، أما أنا فلأني أغمض عيني وبعدها ينتابني عذاب الظمير فإني أفضل الهروب من الحراسة . أعانك الله أنت والأخ رشيد لأن الحراسة ليست سهلة.
وصباح سعيد لكل الأحبة ونجاح لكل الممتحنين يا رب.
وصباح خاص لميســــــــــــــــــــــــــــــــــــــــــــــ ـــــــــــــاء.

[ميساء البشيتي]

صباح الخير فتيحة وعروبة وجميع الأحبة
نعس وحراسة وما بعرف شو
حراسة يعني مراقبة عنا ؟
يعني عنا المراقبة على الإمتحانات .. طبعا نحنا نتندر دائما ونقول من راقب الناس مات هما
لكن من يحرس الناس فهذا شيء عظيم .. اليس كذلك ؟
على كل حال ربي يوفقكم جميعا
عروبة إن الله يمهل ولا يهمل ولكن مع ذلك أنا تعبت من النبش فيما سيقتلنا فيما بعد
الطائفية هي قبورنا التي سنفتحها بإيدينا
الله يجيرنا يا رب
قهوة .. قهوة .. قهوة هيااااااااااااااااااااااا

[Arouba Shankan]

القهوة أ.ميساء
أعان الله مراقبي الامتحانات ،،على كل الأتمتة لا غش فيها خاصة وأن كل فئة لها أسئلة مختلفة
عن الأخرى

ما حدا عم يحكي عن الطائفية لكن من أين ظهرت هذه النسوة ولما لا نعلم لا حول الله يارب

[د. منذر أبوشعر]

مين بيعرف يَزَلْغط (أي يزغرد) وأحبها أن تكون طويلة..يا جماعة أنا شايف إنو جفاف المنتدى صاربساتين خير، والقلوب صافية ما فيها نكد وزعل ،لأن المعدن أصيل، والمقاتَلَة مع بعض بتجَوْهِرو،يعني المَناتَفة بتفيد أحياناً..والله جايي على بالي اتقاتل أنا وواحد منكم أو واحدة ما بتفرق، لإني أنا الخسران..لا تنسوا أنني الختيار فيكم، وماحدا بيقدر عليّ غير مرتي.
يالله. وين قهوتكم الطيبة ؟

[ميساء البشيتي]

دنااااااااااااااااااااااااا غلبااااااااااااااااااان
أنا ما بقاتل حدا .. أنا القطة بتاكل عشاي
بس إن جاي عابلك أخي منذر بنجرب طوشة صغنونة
نحرك فيها الأجواء وأصلا عندكم بالشام متل هلقد _______________________ قده
ألا وهو لا تاخذ صاحب إلا بعد قتلة .. شو سرّ هالمتل ما بعرف
بس أنا تحديد ميساء أقرب أصدقاء لي كانت صداقتهم بعد قتلة
شوف إن حاب تجرب ما عندي مانع بس ترى من هلأ بتحضر لي صلحة مرتبة
وإلا شو يعني طوشة مرتبة بدها صلحة مرتبة ..
على سلامتهم برج الجوزاء حدا بيسترجي يخانقهم .. دخيلكم أنا ..

[د. منذر أبوشعر]

لا تاخود صاحب إلا بعد قتلة..لأن أغلب معاهدات المصالحة لا تكون إلا بعد حروب طويلة.