[Arouba Shankan]

يظهر الشام رواق ما في أي عنف ولا مشاحنات ولا قناصين ولا سيارات مفخخة الحمد لله
يارب رجعت ليالي الشام لكن بعرف الشام صخب وضجة مو ناقصة تنتيف
وقتال ،،من سنتين ما نتفت اختي والله مشتاقة أروح حلب واتناتف أنا الثانية مع شي حدا
بالغربة علينا التحلي بالرصانة ونتقل كثير من كثر الثقل ما عاد فينا نتحرك
عشان نعطي الانطباع الحلو عن اولاد بلدنا فما كتب لي رب العباد اني أتناتف مع حدا
عندي جارة الله يذكرها بالخير راحت لأنقرة عشان انكسرت رجلها اتصلت فيني
من أنقرة بتطمني عن وضعها الصحي وبتعتذر مني كثير ماخبرتني بالامر لحتى وصلت أنقرة
وكثير خجولة ماعاد فيها تعملي كيك بطحين الذرة
تخيلوا معي هالجارة الحلوة شو ذوق واتيكيت ما بتعرف اني شغل حرب وقتال
وتنتيف
رأيكم سهل ينخدع الآخرين بنا ،،وهل يستمر الخداع طويلا ،،هنا لا أقصد الكذب
في المعاملات إنما هل نجحت بإخفاء عنفي إلى درجة كبيرة تخجل الآخرين
لو غلطو معي أو انها جارة اتيكيت over
تحيتي

[Arouba Shankan]

يعني نوع من الهدنة بين طرفي نزاع ،،ربما يثور الخلاف من جديد
ما محبة إلا بعد عداوة ،آيلة للسقوط

[Arouba Shankan]

عصفورة الشجن حضوك يسرق القلوب والعيون والعقول كله ذهب لتحت المظلة عند ركن الخاطرة
ومطري أنت ماشاء الله ولا إله إلا الله والله أكبر
ياريت الإقبال على باقي الفصول في نور الأدب بهذا الكم
التوقيت مناسب مطر وحزيران ،لم أقرأها بعد لأنه عندي برد
تحية

[ليلى مرجان]

مساء الخير لكل الأحبة

[فتيحة الدرابي]

صباح سعيد لأهل النور.
اللهم اجعل خاتم سيدنا سليمان على أفواهنا وعصا سيدنا موسى في يدنا ونور سيدنا إبراهيم على وجوهنا آمين .

[ميساء البشيتي]

اللهم آمين
هلا ومساء الورد لجميع الأحبة فتيحة وعروبة وليلى والكل
عروبة شو تنتيف ؟
مش واضحة الكلمة يعني مثلاً تمزيق .. عنا تنتيف يعني تمزيق أو فتفتة أو تمعيط شعر مثلاً
هههههههههههههههههههههه
المهم أنا حلوين صبحت هيك لحالي لبالي وبدون أسباب صبحت مكتئبة
يا فرحة قلبي
هيك مغيمة عندي من دون سبب
والأنكى كمان عيني فيها شوية حمار وشوية التهاب بالحلق
يمكن هذا سبب الاكتئاب .. يمكن
خلص مو مهم .. المهم كيفكم انتو

[Arouba Shankan]

سلامتك أ.ميساء ،،هي بعينها التنتيف كما فسرتها

نعود لموضوع الاحتجاجات في عنتاب ،،الوضع راقي جدا ،شاركت دون ان أعلم سبب الاحتجاج
لليوم الثالث على التوالي نقف على شرفات المنازل ونقوم بإطفاء الانوار وإعادة فتحها على الدوام
لنصف ساعة يرافقنا صوت مطرقة صدقوني المنظر مبهج سأحاول تصويره
ترون البنايات بالتوالي تُنار وتطفأ الانوار فيها شرفة شرفة على نغم الطرق
هو طنجرة أو صينية يطرقون عليها
ما هي المطالب لا اعلم أنا مسالمة ومجرد إعجاب مشاركتي سأوافيكم بالأنباء من مكان الحدث
تحيتي

[ميساء البشيتي]

ذكرتيني عروبة بمسرحية لدريد لحام حول هذا الموضوع
كيف كانوا يدقون على الطناجر .. كانت تعجبني الفكرة للتعبير عن الرفض
نتابع معك يا عروبة ..
عارفة شو بوران بالأنحاء لكن ما تقهوت .. ليش يا ترى ؟
تعالي عروبة نعمل دلة قهوة للمساء خليها تكون جاهزة بلكي مرت بوران وباقي الأحبة .

[Arouba Shankan]

ــ القهوة جاهزة وناطرة عالبوابة ،،نمسك طناجر وندق عشان تأتوا
ونشرب القهوة
ونحيي ذكرى الإسراء والمعراج
؟؟؟؟؟؟؟؟؟؟؟

[بوران شما]

مساء الخير لكل الأحبة

والله صحيح ياميسائي أنا معكم كنتُ أقرأ مافاتني من مشاركاتكم
لأنني بالأمس قمتُ مع العزيزة ناهد بأداء العمرة الشريفة ولله الحمد
وقد عدنا في وقت متأخر جداً , والآن جئتُ مسرعة على رائحة دلة القهوة
تسلم إيديكم ياغاليين , وسلامة عيونك ميساء وان شاء الله عرضية .
عروبة حبيبتي أنا متابعة معك ما يحدث عندكم في عنتاب , لا حول ولا قوة
إلا بالله , هذا ما أرادوه , أن نصل لحرب طائفية تدمر الأخضر واليابس ,
أستغفر الله العظيم .
يا جماعة إحنا كلنا أصحاب وبنحب بعضنا البعض , بلاش مناوشات وخناق
(ابتسامة ) مو ناقصنا .
أسعد الله مساءكم جميعاً وأتمنى أن تكونوا جميعاً بألف خير , مع كل الحب
والمودة لكم جميعاً.