[Arouba Shankan]

انتصف الليل والنوم يأبى الاقترابا، النهفات التي وضعها أ.ميساء طيرت النوم من عيوني

[ميساء البشيتي]

صباح النور للجميع
هلأ ما في نكت
هلأ ورانا شغل كتير
نشرب ميريمية .. قصدي قهوة وننتشر
وبنرجع المساء نتحدث على رواقة
يسعد صباحكم يا رب

[د. منذر أبوشعر]

مبرووووك كبيرة لفرح وأم فرح، تفضلي هديتك من عمك أبوالمناذر:
تقولين: شقفة ورقة ؟! (تفتحين الورقة وتقرأين:) نجاحك نجاح لكلا والديك، وكما تعبت وسهرت وأخذت النتيجة، فهما سهرا وتعبا وتابعاك ونتيجتهم مواصلة جدك واجتهادك.
بارك الله بك، وألف ألف مبروك.
وهذه شفة قهوة على هذه الخبرية السارة.

[ميساء البشيتي]

الله يبارك فيك أخي المنذر بس على شو ؟
ما فهمت عليك فرح لسة عندها امتحانات بشهر 5و6
وبعدها تتخرج من المدرسة بإذن الله
أنا اللي بدي أدرس طب
أنا ميساء أنور البشيتي بكامل قواي العقلية
بدي أدرس طب عشان أعالج نفسي
هههههههههههههههههههههه
عارف شو أنا كنت العاشرة على المملكة بس أدبي
ههههههههههههههههههه

[د. منذر أبوشعر]

فعلا أنا مصاب بالجنون أو شبهه !
اختلطت لدي الأمور، يمكن هو (عشق) الستين، وبعد (الكبرة جبة حمرا)، لكنه فأل خير وبشارة خير.
كيف الحال ياجماعة ؟ شايفين عمو ابو المناذر شو صاير فيه ؟ هذه الأيام عم يخربط وعم يحط الحابل على النابل !
قربوا إذا ممكن قربوا شوي لعندي، وتعالوا واشربوا القهوة (الزايطة شوي) من تحت دياتي، ولا تقولوا لي: هذا ماء ساخن وشوية قهوة !
أمسياتكم فل وياسمين وعنبر.

[Arouba Shankan]

بعد شهر امتحان الدبلوما، عندي ،،لازم تذكروني
تعالي تركيا أ.ميساء ذاكري الطب، وبالعربية اذا بدك، افتتح في ثلاثة مدن فرع عن جامعة امريكية
لم أقرأ التفاصيل بعد لأني متأثرة بالتركية حتى العربي صار يطلع بصعوبة
متجهة تركي سامحيني
وهيك بتفتتحي فرع لعيادة د.ميساء في نور الأدب
ومنعلق يافطة بكل منتدى وعالفيس بوك وتويتر والفايبر والواتس
إعلان للمرضى الأكارم توخي الحيطة والحذر
وعدم التعرض لتيار هوائي بارد
أو السهر أو سماع الأخبار
أو التعامل بالبورصة
والابتعاد عن المقالي والدسم وعدم الاكثار من الحلويات
والنوم باكرا، والاستيقاظ مع طلوع الشمس
والمشي يوميا نصف ساعة
ود.ميساء بالمنتدى عيادتها 24 ساعة تستقبل استفساراتكم
أؤيد فكرتك، وعليك بالالتحاق بالجامعة سأرسل لك التفاصيل
والتسجيل من منزلك من وراء حاسوبك
دمتم بخير
إليك الرابط

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[ميساء البشيتي]

شو هالحكي أخي المنذر
ما في حدا بعقلك ورزناتك وظرفك
هو أنا بلخم اللي عمره ما التخم
بحكي كتير وبخربش الكل
يسلموا عالقهوة ولا صايتة ولا شي
بالعكس بتشهي
الله يسلمهم يا رب
رجاء لا تحكي كتير عالستين لأني دايخة في الخمسين
هههههههههههههههههههه

[ميساء البشيتي]

شكرا عروبة
هي فكرة حلوة بس لفرح
راح أحول اللينك لفرح بلكي تستفيد
أنا شخصيا ما بدي إياها تسافر
بس ما حدا بيعرف شو الظروف
شكرا لك يا طويلة العمر

[Arouba Shankan]

تعالوا نفتش عن بعضنا البعض
ناجية عامر
ليلى مرجان
آمال حسين
آمنة محمود
وآخرون
أبحث عنكم

[ميساء البشيتي]

صباح الخير