[د. منذر أبوشعر]

والله كفو.. لكن بتعرف أنا قلبي شرشوح وما بيهون عليّ نقعد ناكل ونشرب لوحدنا والآخرون يللي زعلانين منهم بيتفرجوا علينا.. والله أحسن شيء نكسر على أنفنا بصلة ونصالحهم بالإجباري، ما على
كيفهم.. اللمة حلوة، والجمعة خير وبركة.. لكن اعذرني من (اليانسون) لا أحبه، لكن من أجلك سأشربه على آخر رواقه.وإصباحتكم جميعاًُ مباركة، وكلكم لكم في القلب مودات لا تنتهي.

[ميساء البشيتي]

مساء النور
بخل ويانسون ؟
أنا عادة البشار والتسالي بيحضروا مع القهوة
أما اليانسون فبالصدفة المحضة عم أشربه الآن
اليانسون زاكي أخي المنذر .. مين اللي بيتدلع هلأ ؟
يانسون لكنه مشكلته بينعس ؟؟
على كل حال السؤال لن أجيب عليه لكن سأجيب علي العزايم
أنا مستعدة لعزيمة سوشي .. مين موافق ؟

[Arouba Shankan]

سوشي ،سوشي ،محولين صيني مثل ما تبين أ.ميساء
مع أحلى تحية سوشية

[د. منذر أبوشعر]

السمك مو طيب، لا أحبه أيضاً، لكني سآكل معكم من باب المجاملة.
لكنني سأشرب معكم القهوة، ومعها دخاني، وهات يا رواق.

[ميساء البشيتي]

هذا مو طيب .. وهذا ما بحبه .. وهذا مو زاكي ؟؟؟
وبعدين أبو المناذر ,, السوشي مو سمك ؟؟
السوشي ألعن من السمك بس بلاش أحكي لك
شوف السوشي حكايته حكاية يا طويلين العمر
كل مرة يأخدوني بناتي آكل سوشي يصيبني انهيار عصبي
أنا ما بحب السمك وبقرف من ريحته وبيركبني ميت عفريت
لما بقلي سمكة .. وهم ياكلوا هالسوشي أمامي ويتلذذوا
ويحلفوا منشان الله يا ماما لقمة بس وأنا منافسي تخبط وأقول يستحيل ..
لغاية ما كان يوم من الجنة وكانت الدنيا عيد وكل المطاعم فل يعني ما بتستوعب حدا
فقالت بنتي ما قدامنا غير نروح مونسون وناكل سوشي هناك
سكتت لأنه المطاعم مليانة يعني .. لما دخلت مونسون وهو مطعم ياباني
كأنه قطعة من الجنة .. كل شيء فيه ياباني ابتداءَ من الشموع وانتهاء بجلسة
الأرض كاليابانيين .. طبعا لمن يريد .. في مقاعد وطاولات عادي ..
لكنه تحفة يابانية نادرة ..
أحضروا لنا البيتاتيزر يعني ما أدري كنها المقبلات وإلا شيء
كانت مختلف أنواع السوشي والصلصات اللي خاصة فيه منها المملح
ومنا الحار يعني الحد بالسوري ومنها المكرمل يعني الحلو متل القطر
بالفلسطيني وأنا صرت اغمس القطع اللي مربوطة كأنها الصرة
نفس الشكل تقريباً أغطها بالسائل المكرمل والتهمها دون رحمة ولا شفقة
واعيد وأكرر بالآخر طلبنا الفاتورة فكانت .. 260 دولار .. أكثر قليلاً ..
دفعتهم وانا متل الألف .. مو هيك بيقولوا بالسوري .. المهم ..
كل يوم بطلع عالجزدان صار فيه 260 دولار ساعتها بحمل حالي وبروح مونسون
وبعمل نفس العملة ,, وما بتوب .. أبداً ما بتوب ..
وصحتين وعافية على قلبكم يا حلوين

[ميساء البشيتي]

هذا باب المطعم



وهذا الطبق اللي بحبه

ولسه في غيره




وهذا الطبق اللي فيه الصرر هيها آخر واحدة

[ميساء البشيتي]

طبعا إذا بدنا نروح لازم نرتب حالنا لأنه بدنا عدد كبير
عشان ناخد الجلسة الأرضيه لأنها كتير حلوة
طبعا هي خدعة لأنه حافرين الأرض تحت نص متر
يعني ما بنتعب من القعدة أبداً
وبعدين لا زم نعزم سيدة النور وإن شاء الله ما تكون تكره السوشي
وعالفاتورة ما تهكلوا الهم بندبرها .. هههههههههههههه
المهم نتجمع
وهلأ مين بده يجي يرفع إيده ..
أشوف يالله كم واحد رايح ..

[د. منذر أبوشعر]

ميام ميام، منظر مبهر، وقعدة بتجنن، لكنني ما زلت أقول أنا لا أحب جميع أنواع السمك.. لكنني سأتي معكم، بالطبع، وسأكتفي بشراب عصير، وجلسة ممتعة بصحبتكم (مشان ترتاحوا من دفع الفاتورة، بينقص واحد من الآكلين). ومن قلبي صحتين وعوافي، وظلوا من بعيد لبعيد.

[بوران شما]

مساء الخير والمحبة ,
اعتذر عن الغياب القسري !!!!
اشتقتُ لكم , واشتقتُ للقهوة بصحبتكم ,
وأرجو ان تكونوا جميعاً بألف خير ,
محبتي .

[Arouba Shankan]

أنتم في البال أ.بوران شما مرات فكرت بالاتصال بك للاطمئنان عبر الفايبر أو الفيس بوك
أتمنى لكم راحة البال
وقهوة غير شكل، التصفح بطيئ لذا مشاركاتي محدودة فمعذرة منكم