[مسعدالنحلة]

انتخابات

لو رُحنا يوم للانتخــــــــــاب

بيكون دا يوم البهدلـــــــــــــه

طول النهار بنشوف عــــذاب

وبتبقى فعلا ًمهزلــــــــــــــــه

نقف طابور زي الكــــــــلاب

مِتسلسلين بالسلسلـــــــــــــــه

وكأننا ف تـُهمــــــــــة آداب

أو أى تـُهمه منيِّلــــــــــــــــه

رغم انـُه فيه ورا كل بـــــاب

صناديق كتير مِتقفـِّلـــــــــه

ــــــــــــــــ

معرفش ليه لازم نــــــــرُوح

نوْجع دماغنا وقلبـِنـــــــــــــا

وكأننا ف يوم الدَبيـــــــــــح

خايفين بنِدْعِي لربنــــــــــــا

شايلين معانا فار جـريـــــح

عمال بيجري ف عِبـِنـــــــا

خايفين نشوف شئ مش مريح

تزوير في صوتنا وإسمنـــا

نِدْلي بأصواتنا بصحيــــــح

نلقاها زور مِتـْعَدِّلــــــــــــه

ـــــــــــــــــ

آل يعني علشان تِبقى نــــاس

بنطبَّق الديمُقراطيَّـــــــــــــــه

رغم انه كلـُّه في الأســـــاس

عاملين هِنا زي المَطِيَّــــــــه

ولكل واحـــــــد عندُه راس

درَّبها تبقى مِتـْطاطيَّـــــــــه

ياخـُد فوقيها بالمَـــــــــداس

ينزل يوَطـِّي كمان شويَّـــه

ميهِميهوش مين اللــي داس

طول ما الحكايه مْقـَنـْدِلــــه

ــــــــــــــــ

طول ما المواطن نام جعان

مش لاقي لـُقـْمه تقوِّتـُــــــه

هيعيش بخوف زي الجبان

وهيبقى فاقِد قِوِّتـُـــــــــــــه

لا هيبقى ليه صوت أو لسان

ولا يبقى مالِك كِلـْمِتـُــــــــه

لاهوُ داري إيه البرلمــــان

ولا عارف اللي مشـَتِتـُــه

يقف يتوه جوَّه اللِجــــــان

حاسس بنفسُه ف مُشكلــه

ــــــــــــــــ

ف أروبا بنشوف لانتخاب

والناس هناك مِتنــــــــوَّره

واحنا هنا إيش جاب لجـاب

ديمُقراطيَّه مكسَّــــــــــــره

هما هناك كل الشبــــــــاب

له كلمه عاليه مسيْطـــــــرَه

ومفيش حاجات سِر وضباب

ولا تصريحات متشفـَّـــــرَه

بيروحوا صناديق لانتخاب

بالمسطره وبالمنقــــــــــله

ــــــــــــــــــ

إمتى نشوف مصر التاريخ

مِتقـَدِّمَه زي الأُمـــــــــــم

وشباب وستات أو شيــوخ

ميكونش لابسين العِمَـــــم

م الجوع مفيش واحد يدُوخ

أو يبقى عايش فيه ألــــــم

أو يتكِوِّي بحرق السيــوُخ

أو يتسَحَل أو ينعَـــــــــدَم

لما يعشـِّش في النافــــوخ

رأيُّه يقولـُه بجلجلــــــــــه

ـــــــــــــــــ

نوَّاب وعارفه ازاى تِفـُـوت

في الإنتخاب بالفهلــــــــوَّه

ميهمهاش الناس تمــــــوت

وحقوق تطِير فوق ف الهوَّا

يتحوِّل النايب لحُــــــــــوت

ويعيش مع الشـَيْطان سـوَّا

يقـْفِل ديار يخـْرب بيـــوت

ويمُص دم ما يرتــَـــــــوَى

همُّه انـُه ينهب بالريمــوت

أموال كتيره متلـْتِلـَــــــــــه

ـــــــــــــــــ

إمتى المواطِن يبْتِـــــــــــدِي

يفهم بإنـُه بينضـَــــــــــــرَب

يُقف قـُصاد المعتـــــــــــــدِي

ويقولـُّه ليه حقي انشـــــــرَب

دنـِّسْت بيتي ومسجـِـــــــدِي

جوَّعتنِي وانت الســــــــبب

قومي يا ناس اسْتأسِــــــــدي

شِلـِّي إيدين نائب نهـــــــب

طالبي بحقوق واتـْسيِّـــــدِي

ديري انتخابات عادِلـَـــــــه

************

[نصيرة تختوخ]

كلمات منسابة و تعبير عن واقع الكثير من البلدان التي أدمن البعض فيها هضم حقوق غيرهم
بوركت أخي الكريم
تحياتي

[مسعدالنحلة]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة نصيرة تختوخ كلمات منسابة و تعبير عن واقع الكثير من البلدان التي أدمن البعض فيها هضم حقوق غيرهم بوركت أخي الكريم تحياتي

أختي الفاضلة الأستاذة نصيرة تختوخ المستشارة ومشرفة قسم الأدب
شرف كبير لي ان تضيئي صفحتي وموضوعي بتعقيبك البليغ
شكرا لكرمك
مع خالص التحية