[ندى نصر]

خايفة لبكرة يجي ومتكنش فيه..
وملقاش لقلبي أي ضِلّاية تواسيه..
وأقضي عمري ف انتظار
لهفة معجونة بمرار..
وأقول يا مين أشكيله قسوة غربتي
هيجي مين يداوي آهة دمعتي
رحت...جيت...دي قسمتي
مشوار ألم وغصب عني هكمله
حزن اتولد....ومين ياناس يتحمله
أنا ألف صرخة بتتكتم جوه السكات
أنا ليل طويل مُنتظِر....لحظة ميلاد
معرفش ليه أنا اتنفيت عن دنيتي
فاقدة الزمن..ناسية ملامح سكتي
وبسأل الخطاوي..فين ونيس رحلتي؟؟
قالولي..تايه بين جبال الوهم
عايش ف الضياع..
بينه وبينك ألف باب مقفولين بالوداع
ومتحلميش ف يوم بالسعادة واللقا
ومترسميش ف الخيال أمنيات متزوقة
أنا ذنبي إيه؟!
والقدر كتبه على جبيني الحبيب
أنا ذنبي إيه؟!
مبقتش قادرة ف يوم عني يغيب
روحوا قولوله..
إن لينا معاد مع القدر
وانه آخر ترحالي والسفر
وابعتولي قلبه أهمسله بكلمتين
وأقوله إن حكايتنا غير حكاية أي اتنين
لو طلب مني حياتي..مش كتير عليه
مبقتش خايفة أنجرح..قد ما انا خايفة عليه
قولوله..إني حاسة بيه
أيوة أنا حاسة بيه
أنا كل ثانية ف عمري..بتناديه
وقولوله..إني عايشة ليه
أيوة أنا عايشة ليه..

بقلم/ندى نصر

[نصيرة تختوخ]

حب و إخلاص متدفق عبر سطورك أخت ندى, تسرني إطلالتك بهذه الزجلية المميزة.
لك تحيتي

[ندى نصر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة نصيرة تختوخ حب و إخلاص متدفق عبر سطورك أخت ندى, تسرني إطلالتك بهذه الزجلية المميزة. لك تحيتي

أستاذتي الفاضلة..نصيرة تختوخ

نثرتِ الجمال في صفحتي المتواضعة

لكِ باقات شكرٍ وامتنان..وتحية بعطر الكنانة

[عادل سلطاني]

السلام عليكم ورحمة الله تعالى وبركاته


(( فاقده الزمن ناسيه ملامح سكتي )) بيت زجلي رائع رائع شاعرتنا المبدعة الفاضلة " ندى نصر" بيت زجلي قصيد لو كانت الزجلية كلها في متانته ورقته وقوته الإبداعية لكانت " عايشه ليه" خالدة في عالم الإبداع اللازوردي .. سعيد أن قرأت لك أختاه ..
تحياتي

[ندى نصر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة عادل سلطاني السلام عليكم ورحمة الله تعالى وبركاته (( فاقده الزمن ناسيه ملامح سكتي )) بيت زجلي رائع رائع شاعرتنا المبدعة الفاضلة " ندى نصر" بيت زجلي قصيد لو كانت الزجلية كلها في متانته ورقته وقوته الإبداعية لكانت " عايشه ليه" خالدة في عالم الإبداع اللازوردي .. سعيد أن قرأت لك أختاه .. تحياتي

الشاعر القدير عادل سلطاني..

أشكرك شكرا جزيلا على هذا التقدير

أسعدتني كثيرا زيارتك الكريمة

احترامي وتقديري..وتحية بعطر الكنانة

[د.أحمد فرحات]

جميلة ندية رائعة

بها فيض من الصور الرقيقة الهادئة

وبحرمن الإحساس النابع نت قلب أنثى مخلصة

وأنا على ثقة أنكِ تمتلكين الأفضل

مودتي أختي العزيزة

[ندى نصر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة د.أحمد فرحات جميلة ندية رائعة بها فيض من الصور الرقيقة الهادئة وبحرمن الإحساس النابع نت قلب أنثى مخلصة وأنا على ثقة أنكِ تمتلكين الأفضل مودتي أختي العزيزة

أقدِّر لك ثقتك الغالية أيها الطبيب،

وأتمنى أن أكون دائماً عند حسن الظن

لإطلالتك تحية مضمّخة بعبير الجوري..

إحترامي وتقديري..