[محمد أبو زيد الأسيوطي]

قصيدة ( إعدام صدام)
للشاعر // محمد أبو زيد الأسيوطي
وها قد حل علينا عيد الأضحى المبارك
أعادة الله علينا وعلي الأمة الإسلامية
بالخير واليمن والبركات
( فكل عام وأنت بخير)
ولكن إذا ما كان عيد الأضحى يمثل للجميع
الفرحة
والبهجة إلا انه يذكرني أيضا
بفاجعة مؤلمة
وحدث مؤسف
وهي فاجعة
( إعدام صدام حسين )
في فجر عيد الأضحى المبارك
ذلك الحدث
الذي هز كل مسلم وكل عربي صميم
لذلك سوف أعيد عليكم نشر
تلك القصيدة
التي كتبتها في هذه الليلة المؤلمة
وهي قصيدة بعنوان
( إعدام صدام )
ملعون يا فرات لو قلبك مات
لا هوا كل يومين ح نعيش أزمات
علي شطك مات
اغلي الغاليين
واشهد يا تاريخ
دا ما فيش صريخ
واد ابن يومين
إلا واستاء
جرا ايه يا عراق
لا هوا أصبح داء انك تشربي
دم الشهداء
رخصتي خلاص دم شهيدك
ولا يزيدك
لساه عايش من يوم كربلاء
يا للي بأيدك
موتي حفيد لرسول الله
وفضلنا نقول بعدية الاه
وندمتى سنين
وبأيه ح يفيد
ذنبك يا حسين
دا في رقبة مين
أصبحت شهيد وليوم الدين
ملعون يا يزيد
وفي كل كتاب
لا عملت حساب
لرسول الله ولا للإسلام
ومع الأيام
أهي نفس الأيد
بدأت تتمد وفي ليله عيد
الاضحي تمام
العالم نام
عن صوت الحق
والصبح اهو شق
علي ذنب كبير علي صوت الغدر
علي جرح مرير
لله الأمر
من قبل وبعد تنفيذ الوعد
من مستر بوش بحلول العام
إعدام صدام
في طلوع الفجر
صلينا وبوش علينا أمام
من غير تكبير ولا حتي آذان
صلينا الاضحي وقرينا الفاتحة
علي روح صدام
وادي الإعدام
أتنفذ فيه
والكل سمع واهو شاف بعنيه
علي مراءي ومسمع في الإعلام
وكأنه لا كان حاكم إسلام
ولا حتي مجرد يوم إنسان
والكل راضية
ولا قال طب ليه ولا حتي حرام
واشهد يا زمان
بقت الحكام
أضحية العيد زي الخرفان
ونضحي بمين
حاكم وسمين
وباسم الشرع وباسم الدين
مسك السفاح
سكينه وطاح
باح الإجرام
وادي المطلوب
كده كله تمام
دي رسالة رعب وصلت للشعب
قبل الحكام
اهو شوفوا جزاء
اللي ميسمعش
صوت مستر بوش
أو يدي تمام
وندين الشعب ولا الحكام
مش فارقة خلاص مات الإحساس
والكل أنداس تحت الأقدام
كان مشهد صعب
يقطع في القلب
وح نشكى لمين
الشكوى إليك والرحمة يا رب
أنت اللي بترحم
حاكم وبيعدم
والكل اهو شاهد
تنفيذ الحكم
حكم الجبروت
وحبال الظلم في رقبته تفوت
والكفر يعاهد
من غير ولا رحمة ولا حرمة
لموت
يدعوه لجهنم نلقاه يتشاهد
وبروح الزاهد
ينطق وبصوت
إنسان مش خايف
ويقول ح نجاهد
سبحان الله
كان ربه معاه ضد الخاينين
صدام أتشاهد
واهو مات علي دين
الله الواحد
دين الإسلام
ليس الهدف هو التذكير بهذا الحدث المؤلم
ولكن الهدف العظة والعبرة
من الاحداث
تحياتي الشاعر //محمد أبو زيد الاسيوطي

[الشاعر عمر القاضي فلسطين]

السلام عليكم ورحمة الله وبركاته
يعطيك العافية اخ محمد
ورحمة الله على الشهيد صدام ورحمة الله على كل الشهداء