|
|
||||||||
 |
 |
|||||||
|
||||||||
|
||||||||
|
19 / 03 / 2009, 13 : 10 PM
|
رقم المشاركة : [1] |
|
كاتب نور أدبي ينشط
|
قصيدة عاش يوم الارض
يوم الارض الارض بتتكلم فلسطيني يايوم الارض يا يوم الكرامة في يوم الارض شعبي قام قيامة قرية سخنين نادت ع الابطالي وجبل النار ردلها الجوابي في هاظا اليوم قالت ندهت لينا يالله يا رفاق سيروا للامامي نذر عليه لو اجتني بنت لا اسميها لينا ونذر لو اجاني صبي انا سميتةسعيد حمامي في الشوارع وفي جوا المدارس والله يا شعب م نهاب المتارس ومن قنابلهم نزلت المدامع دمعة ابطال مليانة شهامي ركبوا الانذال في جوا الدبابه وحي القصبه مليانه مخابي ومن رام الله والقدس اجانا جوابي ثورة يا شعب لا يوم القيامه مظاهرات وشعبي احياها في يوم الارض اشعلها وعلاها والرصاصة في صدره اتلقاها وحجار الوطن ع العدو سهامي بعجال الكوشك سدينا الشوارع بصدور عريانه والله بندافع بنضرب احجار اقبال المدافع عهد يا ثورة عيوننا م تنامي بسام الشكعة يا رمز الحرية صوت الاحرار م يهاب الدورية قيدوا ايديه بكلبشه مهريّة ما قدروا يصفوك مهما زرعوا الغامي وكريم خلف الله يرحمه الله صوت الاحرار انطلق من رام الله قالهم كريم لا يا محتل بنرفض الذلية يالله ي شعب م نهاب الصدامي امها بتزغرت في عز الظهرية ابشر يا شعب الك عندي هدية هذي لينا بنت الثانوية هذول لكلاب قتلوها قدامي لا يا شامير شعبنا م انتهى ما دام فينا تغريد ومنتهى بالدبابة داسوها منتهى اهلها واخوتها رفعوا لعلامي صرنا احرار في اكبر مجموعة وراية فلسطين في السما مرفوعة وصرخة منتهى ما زالت مسموعة اسمع يا عالم افعال الاجرامي الارهابين مدارسنا اغلقوها ونار القلوب ما قدروا يطفوها والكهربا عنا قطعوها في ظلام الليل يا محلا المنامي سرنا يا ناس طلاب وعمالي شيب وشباب ونسوان ابطالي يا هذا الشعب يا رمز النضالي مع اسرائيل لا ترضى سلامي بارض جنين بالغازات سمونا في الضفة والمثلث بالسجن دبونا وعن الارض ما راح يبعدونا احنا الثوار عيونا م تنامي من رفح والله لا راس الناقوره شعبي ياعالم والله كله نسوره وبدم الشعب يا ثورة منصورة ما بدنا انام ع ريش النعامي في يوم الارض حققنا المطالب تضامنا العامل مع الطالب لاجل فلسطين بدنا نبقى نحارب هيك يا ناس وصانا القسامي لو طول السنة منعوا التجول عن درب الثورة ما فش تحول في جوا القلب الغضب استفحل م نهاب الحرس والجيش النظامي تم كتابة هذه القصيدة عام 1983 الحقوق محفوظة للشاعر عمر القاضي نور الأدب (تعليقات الفيسبوك) |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| جنة الارض يا فد | الين شاع | إبداعات الشعراء الشباب | 4 | 23 / 11 / 2014 44 : 04 PM |
| جنة الارض يا غلام | الين شاع | بأقلام البراعم | 2 | 24 / 04 / 2014 31 : 05 PM |
| أمي الفلسطينية ..يا جنة الله على الارض | ياسمين شملاوي | الخاطـرة | 8 | 27 / 03 / 2010 37 : 10 PM |
| الارض والشعب - أراضي جبل كنعان | ناهد شما | المدن و القرى الفلسطينية | 4 | 29 / 04 / 2009 19 : 11 AM |
| اوقفوا دوران الارض | صبحي البشيتي | قصيدة النثر | 1 | 12 / 10 / 2008 23 : 06 PM |
الساعة الآن 43 : 11 PM
 |
