[محمد أبو زيد الأسيوطي]

مصر المستقبل000 للشاعر// محمد أبو زيد الأسيوطي

مصر بلدنا
منذ المهد
كانت أول صفحة نور
في تاريخ العالم
كانت شمس
للحرية وللتضحية
كانت أمس
اقوي حضارة شافتها الأرض
ليه دلوقت طوانا اليأس
بعد ما كنا
وكنا وكنا
ليه حضارتنا يا ناس تتهد
ألف حضارة بنتها بلادنا
ياما بنينا وياما شيدنا
وبسواعدنا
ح نبني الغد
مش بدموع العين ح نرجع
مصر بلدنا لسالف عهد
مش بالحسرة ومش بالكسرة
تاني ح يرجع عهد المجد
علشان نبني بلدنا بجد
لازم اليد تضم اليد
لازم نقوي علي أحزانا
لازم نؤمن بقضيتنا
والحرية تبقي شعارنا
لازم نزرع مليون شجرة
حب وفرح وسط مرارنا
لازم وسط العتمة ننور مليون شمعة
وسط الليل نحلم بنهارنا
وبأفكارنا
ندوس ع الدمعة
شمسنا طالعة
مهما تغيب أو تهجرنا
يوم ما ح نملك في الأيد قوتنا
يبقي قرارنا وامرنا بأيدنا
يومها ح نقدر
تاني نرجع مجد بلدنا
وبأولادنا
نغير بكرة
مش ح نموت علي باب الذكرى
زهر الخضرة
لابد يرعرع
فينا ويكبر قوي ويفرع
يمكن نطلع
بقي من قمقم
عارفين أمته
لما الظالم ميجيش يظلم
لما الكل يفوق يتعلم
يومها ح نقدر فعلا نرسم
المستقبل
أصلنا عمرنا يوم ما ح نوصل
ولا ح نعيش مستقبل أجمل
غير لو مات
الخوف لو شوفنا
عيوبنا ظروفنا عرفنا
الخير ووقفنا
علي رجلينا بخطوة جريئة
غير لو قولنا الحق حقيقة
لما الزارع يزرع أرضه
لما الصانع يدي سواعده
لما التاجر يوفي بوعده
لما يآمن
كل مواطن
أن لبلده دين في رقبته
وأن لابد يأدي رسالته
يومها ح يفرح بالمولود
لما يجيله
لما يحس ثوابه باقيله
مش ح يجف الحب في نيله
لما يحس هوه
وجيله
أن طريقه مش مسدود
وان في بلده مش مفقود
لما تعود
للحر كرامته
لما نصون للعالم هيبته
لما الحق كلامه يسود
المولود
يفرح بولادته
لما تعود
للطيب طيبته
مصر بلدنا تصبح جنه
كل آمالنا
أن الكل يفوق من وهمه
زي ما غيرنا ضحي بدمه
وقت الحرب
حرب السلم اقوي كتير
حرب ضمير
حرب العلم والتفكير
حرب مصير
حرب القوت
حرب القوة والجبروت
حرب الجندي
فيها العالم بس يفوت
أما الجاهل مش ح يعدي
حرب تحدي
فيها الموت
للي يمد أيديه للغير
وحده ح يغرق وسط البير
ولا كتير
علي مصر تكون
زي مال كانت
يبقي جنون
لو يوم هانت
مصر الغالية
مش ح تهون
مصر دي ليلي وأنا المجنون
مش مجنون
هو جنون إني احلم تاني
تقود بلداني كل الكون
هو الحلم يا ناس
له حدود
نفسي نسابق كل الكون
نفسي نآمن أن الضامن
ربنا وحده
دايما وعده
يا ناس مضمون
قال في كتابه إننا أحبابه
لو قربنا وخوفنا عذابه
ح يكون لنا
دايما في العون
مع فائق احترامي وتحياتي
الشاعر // محمد أبو زيد الأسيوطي

[المختار بن دغة]

مصر الأم المغرب العربي
كل فنان أو الأديب فيك يبقى عاني
يااا مصر أنت بلدي التاني
مش ننساك من طرف للساني
تعلمت منك أشياء
وقلبي بك يبقى غاني,,,,,,,
أخي الشاعر المحبوب محمد أبو زيد الأسيوطي
صح لسانك ولا أهنت
كم جميلة دات المفردات
كل عام وأنت بألف الخيرات,,,,

[محمد أبو زيد الأسيوطي]

شكرا لك
اخي العظيم / المختار بن دغة
علي مرورك العاطر الكريم
فقد عطرت قصيدتي باذكي نسيم
وكان تعقيبك تعقيب اخ حميم
جمعني الله واياك
في جنات النعيم
اخوك الشاعر // محمد أبو زيد الاسيوطي

[محمد أبو زيد الأسيوطي]

اقدم لاخواني الكرام اعضاء المنتدي تسجيل فيديو للقصيدة اتمني ان ينال استحسانكم
هذا هو الرابط
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[د. ناصر شافعي]

الأستاذ القدير و الشاعر الصادق الجميل محمد أبو زيد الأسيوطي :
دائماً تمتعنا بقصائدك الشعرية الزجلية البهية ، صادقة الاحساس و المشاعر .. المصرية العربية الأصيلة .. الأمينة النبيلة ، الهادفة لإعلاء كلمة الحق و البحث عن الفعل الايجابي بحق .. التميز و التفرد يأتي من الفكر الواعي المستنير المدرك لما يريد .. الملف المرئي الصوتي زاد النص جمالاً و كمالاً .
دمت دائماً مبدعاً .
د. ناصر شافعي

[حسن الحاجبي]

مصر قلب الأمة النابض
مصر عنوان الحضارة
مصر جلدنا الذي نلبسه ويلبسنا
مصر ثدينا الذي نستدره عن بعد
لمصر أحلى تحية , ولشاعرنا الكبير محمد أبو زيد الأسيوطي آيات التقدير والإجلال