[نصيرة تختوخ]

*خنفسه شافت ولادها على الخيط ، قالت : ده لولي ملضوم في خيط.
*يا فرعون مين فرعنك قال مالقيتش حد يردنى.
*قلبي على ولدى انفطر ، وقلب ولدى عليا حجر.
* أنا وأخويا على أبنى عمى وأنا وأبن عمى على الغريب
*جحا طلع النخلة خد بلغته معاه
*القفة أم ودنين يشلوها اتنين
*اللى يربط رقبته بالحبل كل الناس تجره
*من بره هالله هالله ، ومن جوا يعلم الله
*القرعة تتباهى بشعر بنت أختها

[نصيرة تختوخ]

بنى آدم فيه طبع و الطبع فيه غالب ديل الكلب ما ينعدل لو علقت فيه قالب

[د.أحمد فرحات]

ههههه

تسلم ايدك

*اللى يربط رقبته بالحبل كل الناس تجره

المثل دا اول مرة اسمعه

بس جميل

[مرفت شكري]

الأخت العزيزة نصيرة .. تحياتي
إليكم بعض من الأمثال الشعبية المصرية :

الغاوي ينقط بطاقيته
العين ما تعلاش على الحاجب
الغالي تمنه فيه
غراب وزن على خراب عشه
إن غاب القط ألعب يا فار
في فرحهم منسية وفي همهم مدعية
الفاضي يعمل قاضي
قيراط حظ ولا فدان شطارة
كتر السلام يقل المعرفة
كل تأخيره وفيها خيرة
اللي ياكل على ضرسه ينفع نفسه

[ميرا فرحات]

مجموعه جميلة من الامثال





/ سبع صنايع والبخت ضايع /

[نعيم الأسيوطي]

قليل البخت يعضه الكلب فوق الجمل

مساحة جميله للتعرف على أمثالنا الشعبيه

[نعيم الأسيوطي]

بنت بلا أمها تلعب بكمها وولد بلا أبوه يركب المرجيحة

بنت الأصل تخاف من العار و لو بالنار ضربوها

[نعيم الأسيوطي]

بيع الجمال و اشترى خفه ، الجمال كتير بس الخفيف صدفة

[b][center]بيلاعب الحية و يخاف من التعبان

[نعيم الأسيوطي]

تشتم أبويا الرخيص أشتم أبوك الكويس

تشرق و احنا فى القصور و تغرب و احنا فى القبور

[نعيم الأسيوطي]

جه يكحلها قام عماها

جيب السبع ما يخلاشي

الديك بيادن من حويصلته