[علاء زايد فارس]

المبـــعترة








[align=justify]
بناء على طلب الغالية ميساء والغالية نصيرة، سأتحدث الآن عن المبعترة، وقبل أن أبدأ في وصف طريقة عمل المبعترة، سأصفها باختصار هي أكلة سهلة وسريعة، تناولناها خصوصاً أيام الحروب وخصوصاً حينما كنا نبتعد عن أهالينا قصراً، لأنها سريعة ولذيذة ومتنوعة أيضاً، لذلك يمكن استخدامها لما تكونوا زهقانين من كتر الطبخ هههه، جربيها ميساء مش راح تندمي!


المبعترة :



نحضر بصلة ونفرمها ناعم ونقلبها على النار بقليل من زيت الذرة حتى يصبح لونها ذهبي..
نضيف لها لحمة مفرومة ونضع ملح وفلفل اسود وبهار ونتركها حتى تنضج
بعدها نحضر 3 حبات بطاطا كبار من عند عم أبو محروس على قرنة الشارع المقابل، بيقولوا بضاعتو منيحة كتير
عشان ما توهي يا ميساء امسكي يد نصيرة واسألوا عن أبو عبدو البقال....هههه

وبعد ما نحضر البطاطا بتكون البصلة واللحمة انحرقو هههه
ما علينا ، بنقطع البطاطا إلى مربعات صغيرة ونقوم بقليهم ثم نضيفهم للحمة والبصلة ونضيف معهم بقدونس مفروم أو مقطع..

بعدها " نطش * " 3 بيضات ونخربطهم معاً ونضيف الملح والفلفل الأسود..

ثم "نقحمش * " رغيف خبز بيتي مرتب، ونتاول المبعترة بالهنا والشفا...

همتكم يا صبايا
همتكم يا أخواتي
خلونا نجرب هالأكلة في النور
أفضل طبق راح ياخد جائزة الشيف علاء هههه

ملاحظات هامة:
* نطش : بضم الطاء ليس معناها نطش بكسر الطاء، نطش على البحر أو عند الأصدقاء وإنما نطش البيض يعني نفقشه ههه

* تقحمش: معناها نمسك رغيف ونضعه في فرن حتى يصبح يابس وطعمه طيب

* يمكن عمل هذا الطبق بدون لحمة مفرومة أيضاً أو بلحمة مفرومة جاهزة ولا تحتاج لطهي...

والسلام عليكم

[/align]

[نصيرة تختوخ]

[align=center][table1="width:95%;"][cell="filter:;"][align=center]شكرا على الوصفة أستاذ علاء تشبه وصفات أخرى خفيفة لكنها متفردة بالخبز المقحمش و البطاطس من دكان أبو عبده البقال وعلى فكرة أنا ابتسمت عادة الخضار يبيع البطاطس لكن يبدو أن أبو عبده البقال يمكن يبيع كل شيء ويمكن يكون عنده تعبئة الهاتف الخلوي أو الآسپيرين ههههه

شكرا أستاذ علاء فعلا تستحق هذه الوقفة الجميلة أن نحييك عليها.
شكرا لسمو إنسانيتك ولطافتك.
تحياتي وشهية طيبة لجميع من سيمرون من هنا.[/align][/cell][/table1][/align]

[آمنة محمود]

بالهنا والشفا لكل المارين هناا

شكرا أخي علاء على الوصفة الحلوة

كتير بأعملها وخصوصي بالفطور ويوم الجمعة مشان اللمة الحلوة

لزيزة مجرباها انا

جربيها ميسا ونصيرة راح تدعو لعلاء على لزة طعمهااا

بوركت وجزيت خيرااا

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة نصيرة تختوخ [align=center][table1="width:95%;"][cell="filter:;"][align=center]شكرا على الوصفة أستاذ علاء تشبه وصفات أخرى خفيفة لكنها متفردة بالخبز المقحمش و البطاطس من دكان أبو عبده البقال وعلى فكرة أنا ابتسمت عادة الخضار يبيع البطاطس لكن يبدو أن أبو عبده البقال يمكن يبيع كل شيء ويمكن يكون عنده تعبئة الهاتف الخلوي أو الآسپيرين ههههه[/align][align=center] شكرا أستاذ علاء فعلا تستحق هذه الوقفة الجميلة أن نحييك عليها. شكرا لسمو إنسانيتك ولطافتك. تحياتي وشهية طيبة لجميع من سيمرون من هنا.[/align][/cell][/table1][/align]

أبو عبده عنده كل شي
كل العالم صار يؤمن بزمن التخصصات الدقيقة إلا أبو عبدو ههه
طيب عندي سؤال بطرح نفسه
وين الغالية ميساء ؟؟
ولا ما أعجبتها المبعترة!

شكراً على حضورك الجميل أستاذة نصيرة
وبالهنا والشفا، جربيها وادعيلي

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة آمنة محمود بالهنا والشفا لكل المارين هناا شكرا أخي علاء على الوصفة الحلوة كتير بأعملها وخصوصي بالفطور ويوم الجمعة مشان اللمة الحلوة لزيزة مجرباها انا جربيها ميسا ونصيرة راح تدعو لعلاء على لزة طعمهااا بوركت وجزيت خيرااا

أهلا بيك أختي آمنة
لا أعرف لماذا أحب الوجبات البسيطة أكثر من المعقدة!
لربما لأننا أصبحنا في عصر السرعة
فنحب أن نرى كل شيء يتم بسهولة وسرعة
بوركت أختاه
شكراً على مرورك اللطيف أختي آمنة

[ميساء البشيتي]

هات هالمبعثرة تاعتك ابني علاء هلكتنا فيها مبين عليها من قبل ما أذوقها أكلة فقرية
ياللا هو الفقر ورانا ورانا .. مش مهم يا علاء أي شيء من هالايدين الحلوين بيسوى الدنيا
عندي خاصة أنه أنا شبه نباتية لكن بصراحة ريحة المبعثرة واصلة من صالون نور الأدب
وعلى فكرة عزمت لك كل اللي في ركن القهوة .. قلت الليلة بنتعشى هون وبنتحدث شوي
أنا بصراحة بحب أتحدث على الأكل عشان أصد نفسي اللي مقابيلي ويبقى الي الأكل لوحدي
شو بدك تحكي يا علاء نفس طيبة عالآخر .. المهم الكل بكرة نفر نفر بدهم يعملواأكلة على العشاء
وإن شاء الله بكرة بس ما تكون مفركة من أخي خالد مخلوف ونكون بديناها مبعثرة
وختمناها مفركة ,,ههههههههه ..
هلأ بالمناسبة علاء وعلى سيرة المبعثرة شو متبعثر عندكم بغزة قبل يومين ؟
سمعت حدا علقان مع حدا على سيرة وفد فنانين ومثقفين ومن هذا القبيل
والله ما كتير عم توصلني الأخبار من غزة مع قطعة هالكهرباء كل شيء بيوصلني
بعد ما يخلص عشان هيك بيصير حكي بايت وما إله طعمه بس برضه ما فينا ما نحكي
بتضل غزة عاصمة قلبي وحبيبة روحي ولو زعلت منها شوي مو كتير شوي بس
وهلأ علاء خلينا نوزع العشاء على الكل .. قولك في مبعثرة تكفي وإلا تعمل كمان نتفة ؟

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ميساء البشيتي هات هالمبعثرة تاعتك ابني علاء هلكتنا فيها مبين عليها من قبل ما أذوقها أكلة فقرية ياللا هو الفقر ورانا ورانا ..

هههه ، الخشونة أحيانا أمر كويس
على قولة أمي العزيزة
يوم عسل ويوم بصل!
وأخي كتير بحكيها " يوم عسل وخمسين بصل " هههه

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ميساء البشيتي هات هالمبعثرة تاعتك ابني علاء هلكتنا فيها مبين عليها من قبل ما أذوقها أكلة فقرية ياللا هو الفقر ورانا ورانا .. مش مهم يا علاء أي شيء من هالايدين الحلوين بيسوى الدنيا عندي خاصة أنه أنا شبه نباتية لكن بصراحة ريحة المبعثرة واصلة من صالون نور الأدب وعلى فكرة عزمت لك كل اللي في ركن القهوة .. قلت الليلة بنتعشى هون وبنتحدث شوي أنا بصراحة بحب أتحدث على الأكل عشان أصد نفسي اللي مقابيلي ويبقى الي الأكل لوحدي شو بدك تحكي يا علاء نفس طيبة عالآخر ..

صحة وعافية
كل الأكلات الشامية الفلسطينية
وكل المطبخ الشرق أوسطي الرائع على حسابك أستاذة ميساء

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ميساء البشيتي هلأ بالمناسبة علاء وعلى سيرة المبعثرة شو متبعثر عندكم بغزة قبل يومين ؟ سمعت حدا علقان مع حدا على سيرة وفد فنانين ومثقفين ومن هذا القبيل والله ما كتير عم توصلني الأخبار من غزة مع قطعة هالكهرباء كل شيء بيوصلني

هو شغلات كتير متبعترة، لكن ما سمعت بشي من هاد القبيل
لكن بشكل عام هناك سلبيات
وبصراحة وبكل جرأة في الفترة الأخيرة أصبحت الفصائل الفلسطينية عبئاً على الشعب الفلسطيني المناضل
ومشاكلها صارت أكتر من محاسنها
لكن بجد ما سمعت بشي حصل مع الوفود
وبالعكس الوفود التي تأتي إلى غزة تستقبل استقبال الأبطال
وتهيء لها ضيافة غير عادية
والكل يهتم بها على كل الصعد

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ميساء البشيتي بتضل غزة عاصمة قلبي وحبيبة روحي ولو زعلت منها شوي مو كتير شوي بس وهلأ علاء خلينا نوزع العشاء على الكل .. قولك في مبعثرة تكفي وإلا تعمل كمان نتفة ؟

في مبعترة بتكفي بلد
بس شاوري وقولي
واحنا حاضرين...
لكن في شي أهم من المبعترة
لازم نحكي فيه هناك
انتظروني
ربي يسعدك يا ميساء الغالية
شكراً على إطلالتك المرحة الرائعة

[بوران شما]

أها أتاري العشاء هنا على أكلة المبعترة , تسلم ايديك ياعلاء
على هذه الأكلة اللذيذة , بتعرف احنا بنعملها لكن بنسميها
مفركة بطاطا باللحمة , على كلِ ورغم اختلاف التسمية إلا
أنها أكلة لذيذة , وعلى فكرة كل أكلات البطاطا لذيذة حتى ولو
كانت بطاطا مقلية .
وصحتين وهنا لكل الموجودين .
وبانتظار السماقية من يد الغالية آمنة.
يسعد مساكم .

[نصيرة تختوخ]

[align=center][table1="width:95%;"][cell="filter:;"][align=center]ههه و هناك مفركة أيضا اللهم زدنا علما .
وماهي المفركة ياميساء؟ أو ياعلاء؟ [/align][/cell][/table1][/align]

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة بوران شما أها أتاري العشاء هنا على أكلة المبعترة , تسلم ايديك ياعلاء على هذه الأكلة اللذيذة , بتعرف احنا بنعملها لكن بنسميها مفركة بطاطا باللحمة , على كلِ ورغم اختلاف التسمية إلا أنها أكلة لذيذة , وعلى فكرة كل أكلات البطاطا لذيذة حتى ولو كانت بطاطا مقلية . وصحتين وهنا لكل الموجودين . وبانتظار السماقية من يد الغالية آمنة. يسعد مساكم .

مفركة بطاطا باللحمة، إذا هذا مجرد اختلاف بالأسماء
شكرا على هذه المعلومة
سعيد جدا بحضورك أختي بوران
لو ما جيتي ، كنت ناوي أوجهلك الدعوة برسالة خاصة
يسعدني أننا نساهم معاً في توثيق تقاليدنا وأكلاتنا وثقافتنا وهويتنا حتى في مطبخنا الفلسطيني العريق
شكراً لحضورك الراقي أختي بوران
وبالهنا والشفا السماقية والمبعترة