[علاء زايد فارس]

قول للزمان ارجع يا زمان!
" من الأدب الساخر "
بقلم علاء زايد فارس

تقدم أحدهم لخطبة فتاة من أبيها، فأعطاه الأب موعداً أرادهُ أن يكون كجلسة تحقيق مصغرة ليتسنى له التأكد من بعض المعلومات التي جمعها عن ذلك الشاب، كي تساعده على اتخاذ قرارٍ مناسبٍ يصبُّ في مصلحة ابنته الغالية على قلبه، وكان له ما أراد حيث بدأت الجلسة بين الأب والشاب بعد تبادل الترحيب بهذا السؤال المباغت:

1- هل أنهيت دراستك الجامعية عمي؟؟؟
كنت زمان بدرس جامعة، بس بآخر فصل انفصلت لأني شتمت الدكتور في المحاضرة !

2- طب بتصلي صلواتك الخمس بالمسجد؟؟؟

كنت زمان أصلي كل صلاة بصلاتها في الجامع، بس الآن بطلت لأن معظم الي بيصلوا بالصف الأول منافقين ودجالين!

3- طب عمي، سمعت إنك متمشكل مع أخوك ..؟؟!
صحيح عمي، ومتمشكل مع جاري كمان، وولاد عمي
أصلي زمان كنت محترم وغلبان ولقيت هالزمن ما بيعيش فيه إلا الأزعر النصاب!

4- طب عمي سمعت قبل هيك أغنية " قول للزمان ارجع يا زمان"!

صحيح عمي، زمان كنت أسمع أم كلثوم بس الحين بطلت وصرت أسمع لهيفا وهبي !

5- عمي ليش انتا عاملي متل منظمة التحرير كل ما نحكي شي بيقولك كنا زمان وكنا زمان وما بعرف شو ...وهلئ عشان المصلحة صار لازم نعمل هيك وهيك وهيك...عمي احنا ب 2014 تضلكاش تجيبلي سيرة زمان كرهتني بالتاريخ والجغرافيا والله...

- عمي أصلي كنت زمان أحب الشعر كتير بس هلأ صار اهتماماتي بالتاريخ يعني بأيام زمانْ

6- تعرف عمي ، كنت زمان بدي أجوزك بنتي، بس هلأ خليها تعنس عندي أحسن ما تجلطني أنا وياها !

- عمي أرجوك أنا من زمان نفسي أتزوج بنتك على كتاب الله وسنة رسوله....

- ولك روح انقلع تجوز زمان وحل عني، بلا في شكلك !!!

م. علاء زايد فارس
16/11/2014م

[Arouba Shankan]

كان على بالنا نضحك،، لكن قول للزمان ارجع يازمان، من سنين ما عرفنا الفرفشة
قول للزمان ارجع يازمان
أ.علاء تحيتي

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة arouba shankan كان على بالنا نضحك،، لكن قول للزمان ارجع يازمان، من سنين ما عرفنا الفرفشة قول للزمان ارجع يازمان أ.علاء تحيتي

رغم كل المآسي والمصائب علينا أن نبتسم ونضحك
وكلنا أمل وثقة أن المستقبل يخبئ لنا كل ما هو أجمل
شكرا لك أستاذة عروبة

[بوران شما]

الويلات والمصائب التي نعيشها في زماننا الحاضر ،
والانحطاط الذي وصلنا اليه ، يجعلنا جميعا نقول :
قول للزمان ارجع يا زمان ،
ومع ذلك لا بد لنا من فسحة من الأمل والبسمة ،
أسعدك الله عزيزي أستاذ علاء وجعل البسمة دائماً
على وجوهكم ياأهل وطني الحبيب ،

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة بوران شما الويلات والمصائب التي نعيشها في زماننا الحاضر ، والانحطاط الذي وصلنا اليه ، يجعلنا جميعا نقول : قول للزمان ارجع يا زمان ، ومع ذلك لا بد لنا من فسحة من الأمل والبسمة ، أسعدك الله عزيزي أستاذ علاء وجعل البسمة دائماً على وجوهكم ياأهل وطني الحبيب ،

شكرا لك أستاذة بوران
وربي يصلح الحال إن شاء الله
سعدت جدا لأن النص أعجبكم ورسم على وجوهكم بعض الابتسام
تحياتي لك
ولسوريا العزيزة على القلب
ولكل أبناء شعبنا الفلسطيني في سوريا
وربي يفرج همنا وهمكم عما قريب
باذنه الكريم