[محمد أبو زيد الأسيوطي]

كتبت هذه القصيدة الساخرة

أثناء قيام سيدة الشرق الأوسط ( كوندليزا رايس )

بأحدي جولاتها لدي الشرق الأوسط في عهد بوش

إليكم القصيدة

أختنا العزيزة كوندليزا

اختنا العزيزة

كوندليزا

شاكرين

لاحترامك القضية

واهتمامك العظيم

شرق أوسط ميه ميه

اشكري لنا الخارجية

والسياسة الأمريكية

واشكري بوش العظيم

باسم بحر من الدماء عم يجري في العراق

باسم صدام اللي راح

في العيد ضحية كربلاء

باسم إكليل الزهور اللي وعده الشعب بيه

فكرية

بالكرم وبالحفاوة وبدعاء

كل اليتامى والأرامل
واللي داقوا من الجراح

واشكرية

ع النجاح

بعد ما اكتشف السلاح

باسم عهد الارتياح

اللي عاش الشعب فيه

اشكرية

ع الحكومة العنصرية

اللي جت من غير معاد

اللي فارضه روحها

فرض ع البلاد

اللي حكمت بالفساد

اللي باعت كل عرض

بالمزاد

اللي فقدت لاحترام

لما حطت إيدها في إيدين العدو

لما خانوا واعتدوا

لما لبسوا ألف وش

وعينوا بوش

الأمام

ع المسلمين

اختنا العزيزة كوندليزة

شاكرين

للحلول المنطقية

والسراط المستقيم

ع النعيم

اللي عاش الاقصي فيه

ع التاريخ

اللي عايزه تغيرية

زور وغش

العرب دي متستاهلش

تاعبه نفسك شايله هم

حالنا وأحنا حالنا غم

كل يوم شهداء ودم

عم بوش

ح يعمل أيه

دا كتير حرام

والله كتر ألف خيرة

اصلوا بيحكم ضميرة

في القضية

ع العموم ليه التحية

وابعتيلوا ميت سلام

باسم كام

مليون شهيد

دمة نازف كل عام

باسم حرية قرار

باسم عهد ديمقراطية

للحوار

ده الشعار

بس لما الشعب قال واختار

حماس

قال أساء في الاختيار

وسقانا كاس

مليان مرار

كان كلامه أكيد هزار

اصل شعبنا باختصار

شعب قاصر

محتاج وصاية

والولاية

أكيد لبوش

اللي بايدية المصير

اللي لما الشعب كله اختار فرزدق

قال جرير

هوه ده طبع الكبير

انتوا فاهمين الحكاية

ولا أصبح مستحيل

إسرائيل

طفله المدلل

اللي مش ممكن يضام

والسلام

لعبة في ايدية

لما يبقي هوه عايز

فجأة يدخل ونلقي

كوندليزة بنت رايز

جاية تقلب في المسائل

لأجل ما تبيع الهوا لينا

في قزايز

وارجعوا لحظة لزمان

لما كان

حزب الله فايز

جوا لبنان

حسوا انه في حربه

رابح

نسيوا أن الروح أمانة

وان لبنان الضحية

المدابح

كانت في قانا

والقنابل عنقودية

دمروا أطفال صغار

وبدمائهم الذكية

كتبوا كلمة انتصار

وإسرائيل طلعت بعار

والتاريخ شاهد

لا يمكن ينسي أبدا

مهما كان

اللي ضحي بدمه

واللي في الميدان

أصبح شهيد

واللي لسه حكومتوا

رافضه

المعارضة

من قريب أو من بعيد

واللي ناسي

أن فيها الأمر شوري

والحكومة ليها دورة

بعدها ترحل أكيد

واللي حاكم لأجل منها يستفيد

وأنت إيدك من حديد

لينا واقفة

في كل شدة

كل أزمة لينا مادة

ألف أيد

هوه ده طبع الإخوة

تحكمينا برة جوة

اصل طبعك المروة

واحنا شعب

مكسحين

اختنا العزيزة

كوندليزا

شاكرين

شكرا لكم وتحياتي

الشاعر / محمد أبو زيد الأسيوطي