[شوقى غنيم]

آسفه يا حبيبى ما نيش اللعبه اللى فى ايديك

تيجى وقت ما تيجى تروى ألعطش اللى فى عينيك

وتخدرنى بكلام تقوله أنا فى الدنيا اللى ليك

الكلام ده كتير سمعته ومن بحور كدبك ارتويت

ياما فى بعادك صبرت ياما فى هجرك انكويت

ياما رسايل ليك كتبت وما تردش ..وتقول نسيت
**********
أنا آسفه بقول يا حبيبى أنا آسفه آسفه نسيت

لأنك ما بقتشى حبيبى ما بقتشى ليه النصيب

وحدور على قلب غيرك دا آخر كلام منه انتهيت

وموش حفكر تانى فى حبك دى مرحله ومنها
عديت
الحب موش ذى مانت فاهم الحب موده واخلاص

وانت فى حبك كنت راسم تقضى وقت معايا وخلاص

وأنا موش بتاع اللعبه ديى حبى ذى حب كل الناس

ينتهى بعش هادى مبنى على أكمل أساس

ما لقتشى فيك حاجه من دى وعرفتك على حقيقتك

عايزه اللى أحبه يكون سندى موش يقول شفتنى وشفتك

وعايز بسى يتسلى بيى وابقى أسيره ليك وملكك

عايزا للى أحبه يكون قلبه طاهر موش يمثل عليى ويتظاهر

اللى يخبط على بيتى ويجينى هو ده اللى أقوله حاضر

هو ده اللى أديله كل حبى هو ده اللى أملكه قلبى