[بوران شما]

أناشيد الثورة الفلسطينية هي الأناشيد والأغاني التي ظهرت
في السنوات التي تلت انطلاقة الثورة الفلسطينية , وتواصلت
هذه الأناشيد والأغاني مع استمرار الثورة .
وفي هذه الأيام وفي ظل هذا الحماس الجماهيري الذي نعيشه
منذ يوم ذكرى النكبة الذي أصبح ذكرى يوم العودة, ومنذ هذا
اليوم ونحن نعيش هذا الفرح الثوري في قلوبنا, وصدقوني
أنني هذه الأيام أفتح على محطات القدس وفلسطين والعودة
الفضائية وأردد معها أغاني الثورة بكل حماسة وفرح .
ومن هنا خطر ببالي أن نفتح معاً هذا الملف ( أناشيد وأغاني
الثورة الفلسطينية والعودة ) , وأن نساهم جميعاً به ليكون
ملفاً كاملاً متكاملاً بأغاني الثورة وأفضل أن نكتب كلمات الأغاني
والأناشيد لا أن نضعها فيديو . إذا استحسنتم وأيدتم الفكرة أرجو
منكم جميعاً المساهمة ولكم الشكر .
وهذه البداية :
من كلمات سعيد المزين ( فتى الثورة )
احمي الثورة بدمك احمي.. يا خويا
واهتف لا للحل السلمي.. يا خويا
هادي الثورة للملايين.. للي شربوا الظلم سنين
للي جاعوا للي ضاعوا.. للي السيوف للظلم ابتاعوا
احمي الثورة بدمك احمي.. يا خويا
واهتف لا للحل السلمي.. يا خويا
هادي الثورة للملايين.. للي شربوا الظلم سنين
للي سكنوا خيام الذل.. للي حملوا ظلم الكل
للي حملوا الجرح وثاروا.. للي فوق الدرب ساروا
للي هبوا.. للي لبوا
للي علوا اسمك واسمي
احمي الثورة بدمك احمي.. يا خويا..

[بوران شما]

أنا صامد صامد أنا صامد
فوق أرض بلادي أنا صامد
وان سرقوا زادي أنا صامد
وان قتلوا ولادي أنا صامد
وان هدموا بيتي يا بيتي
في ظل حطامك أنا صامد
أنا صامد صامد أنا صامد
* * *
وبنفس أبية أنا صامد
وعصا وشبرية أنا صامد
والراية ف إيدي أنا صامد
وان قطعوا إيدي والراية
بالإيد الثانية أنا صامد
أنا صامد صامد أنا صامد
* * *
بحقلي وبستاني أنا صامد
بعزمي وإيماني أنا صامد
بظفري وأسناني أنا صامد
وان زادت في جسمي جروحي
بجروحي ودمي أنا صامد
أنا صامد صامد أنا صامد

[بوران شما]

الشعب الفلسطيني ثورة
ثورة على الصهيونية
حمل سلاحه وبدا كفاحه
خدي يا ثورة واعطيني
خدي دمي وهاتي انتصارات
*
شمس الدم على جبالي
تحضن زهرة زلزالي
وانا برصاصي بتحداك
توقف يا عدوي قبالي
ولا تخطي المية وشرق
*
الشعب الفلسطيني
إطعني الطعنة بناري أرد
عدوي عد ايامك عد
الثورة وراك بكل مكان
ما فينا بدمه بيبخل حد
واحنا أعلنا الثورة
*
الشعب الفلسطيني
ولعوا النار بهالخيام
وارموا كروتة التموين
لا صلح ولا إستسلام
بسلاحنا نحرر فلسطين
ثورة على الصهيونية
الشعب الفلسطيني
كلمات محمد حسيب القاضي

[ناهد شما]

كل الشكر لك حبيبتي بوران لهذا الملف الرائع
سابدأ مباشرة بوضع أغنية جفرا
جفرا
جفرا وهي يا الربع
وطير الحب الشادي
يغني للسما الزرقا
فلسطين بلادي
ويقول القدس الحرة
تحرم ع الأعادي
حيفا ويافا وعكا
والضفة الغربية
* * *
جفرا وهي يا الربع
فلسطين بتنادي
وتقول يا أهل النخوة
مدوا لي الأيادي
والله الوطن غالي
بعيوني وفؤادي
أفديه بروحي ودمي
والبسمة الهنية
جفرا وهي يا لربع
أرضي وأرض أحفادي
واليوم الثورة الكبرى
والذكرى استشهادي
والحجر يعانق مقلاع
ويسجل ميلادي
والكفن الأخضر خلوه
لروحي هدية
جفرا وهي يا الربع
اسمعوني يا أولادي
صونوا الوطن بالجفن
واحموا ها البوادي
وامشوا ع درب التحرير
دربي ودرب أجدادي
وشوشني الطير وقلي
رجعتنا قريبة.
جفرا وهي يا الربع نحلف ما نتراجع
لو قبلوا ولادي الخمسة وقطعوا هالمراضع
من رحم الأرض الحجر على العدا طالع
من شرش الشجر تطلع زيتونة قدسيا
جفرا وهي يا الربع وطلت من بيت ساحور
صرخة بتهز الأرض سرقوا خبز التنور
قتلوا رهبان المسيح عبد الكنيسة جور
حرقوا مصحف النبي وقطعوا حتى الحيا
غني ولا تفارق أرض مهما المحتل يصول
من حب الجفرا انتفض ونادي بصوت الأرغول
من شروقي زال الوجع وعالحوارة يصول السريس
ما توقف ثورة شعب وحجارة بأيدي
جفرا وهي يالربع من فوق السريس
طلت صبايا الوطن فوق رصاص تدوس
تصرخ من غزة ورفح من عين العروس
تجاوب من فوق الجبل صرخة نابلسية
_________________
لي عودة بإذن الله

[بوران شما]

شكراً لكِ حبيبتي ناهد على هذه الأغنية الجميلة , كم رددناها وغنيناها
وهل لأحد أن ينسى (جفرا وياهالربع ...)
وسأذكركِ بهذه الأغنية الرائعة والتي أيضاً طالما غنيناها أغنية
(اللوز الأخضر ) كلمات الشاعر احمد دحبور وألحان حسين نازك :

والله لازرعك بالدار
يا عود اللوز الأخضر
واروي هالأرض بدمي
تتنور فيها وتكبر
يا لوز الأخضر نادي
فلسطين الخضرا بلادي
مدوا لي هالأيادي
لحتى بلادي تتحرر
والكرمل جبلي الموصول
بالشمس الحرة على طول
من عرق اجدادي مجبول
بتراب الوطن الأطهر
عالجرمق غنى الصفدي
غزة والبيرة بلدي
والقدس بتهتف ولدي
أوعك عني تتأخَّر

[فاطمة البشر]

أغاني بمنتهى الروعة
سلمت يمينك عزيزتي
تشكر جهودك المميزة
ودي ووردي

[بوران شما]

وإليكم أغنية التحدي :
بتحدّى
بدمي ولحمي بتحدى
بناري وتاري بتحدى
بعزمي وإيماني بتحدى
بإصراري وعزة أوطاني
بالثورة ودم الشهدا
والنار الي ما بتهدا
بتحدى
بتحدى لو يفضى المدفع
نعبي تاني وتالت ورابع
وازرع كل الإرض بارود
واخلّي شوك الصحرا مدافع
بإيديَ النار بعينيَ النار
ومن جرحي بتطلعلي الوردة
بتحدى

[بوران شما]

وأغنية ثورة ياهالربع:
ثورة ويا هالربع
شعب وفدائية
ماشيين حتى النصر
على الصهيونية
ماشيين ما نخاف النار
والموت ما نهابه
بالدم نفدي الوطن
نروي له ترابه
بنادقنا في إيدينا
بندقّ أبوابه
حتى يطلع الفجر
في شمس الحرية
ثورة ويا هالربع
قالوا الوطن أرض وبيت
قلت الوطن أغلى
من كل بيوت الدنيا
ومن جنتها أحلى
لو جابوا كنوز الأرض
بعيني ما تحلى
ما برضى غير فلسطين
وطن وهوية
ثورة ويا هالربع
والله يا سلاح الثورة
ماترخيك إيدينا
ولو قطّعوا الأيادي
بنضمّك ف عنينا
لو سدوا كل الطرق
نوصل أعادينا
ندعس ع شوك الدرب
ما نهاب المنية
ثورة ويا هالربع
عِشِت يا شعب ثاير
تتحدى كل العدى
وبالدم تخوض الحرب
وتقدم فيها الفدى
لما بدينا الثورة
ما استئذنا حدا
ولا نقدر والرايات
على البندقية
ثورة ويا هالربع

[بوران شما]

جابوا الشهيد .. جابوه
جابوا العريس .. جابوه
بعلم الثورة .. لفوه
يا فرحة إمه وأبوه
أنا إمه يا فرحة إمه
في عرسه في ليلة دمه
يا تراب الحرية ضمه
يا أخوانه للثورة انضموا
بزغرودة يالله حيوه
جابوا الشهيد .. جابوه
جابوا العريس .. جابوه
بعلم الثورة .. جابوه
يا فرحة إمه وأبوه

[بوران شما]

كلمات: محمد حسيب القاضي
ألحان: مهدي سردانة
--------------------------------------------------------------------------------
حنا ثوارك يا بلادي
واليد على الزناد
واللي يمسك ثورتنا
بنادقنا بالمرصاد
حنا ثوار
العربي أخويا ومعيني
ورصاصنا ضد الصهيوني
ولا قوة تفرق لبناني
عن أردني وفلسطيني
حنا ثوار
مقطوعة اليد اللي بتنمد
على الثورة بسكينة حد
والمتعدي والمتدخل
بين الأخوة حسابه أشد
حنا ثوار
يا طمعانين بالتصفية
الثورة بجماهيرنا قوية
وبكل رصاصنا و سواعدنا
نحمي مسيرتنا الثورية
حنا ثوار