[فتيحة الدرابي]

راك اختي
واحبيبتي
راك صديقتي
راك امي لعزيزة
وبنتي لكبيدة
الله خلقك واعطاك الزين
انت ف جنان زهرة
ببهاك تسلبي
وعندك قدرة
من شافك يتمنى يلمسك
ويشم ريحتك لمعطرة
وانت غالية
ف دار الباك منعمة
وعلى عين كل باغ امعفرة
الإسلام نصحك بالعفة
وبغاك تلبس لباس الحشمة
فيه تكوني موقرة
بغاك تكوني مقدرة
واللي بغاك
لازم يدق الباب
وتكوني ف دارو
الضوي بحال القمرة
تصوني عرضه
وتصوني زينك بالسترة
تكوني لكل اللبنات
مرايا إيشوفوا فيها طهر النبتة
لكن يا حسرة
لكلام عليك بصح
ماش غير هضرة
بعد ما كان لكلام
فيك احلو بحال الثمرة
اصبحت بين اليدين
واصبح حالك حام
احماوت الجمرة
تغير فيك كل شيء
وخيابت فيك النظرة
انت مهما كان غالية
ما بغيت ليك هاذ الحكرة
يتساوموا اعليك بحال البكرة
ومفاتنك للغادي والجاي عرضة
هذا يخونك هذا يسوسك
هذا يضحك اعليك بالكذوب
وانت امصدقة
الضيعي والضيعي اشبابك يا زهرة
اتبعت اطريق العار
ادخلت للبار
اشربت كاس لخمر
قلبك بالهموم اعمر
ضاع زينك وضاع السر
خسارة اتبعت طريق الشر
هذه ما هي طريق
التخلقت باش تمش فيها
فيقي بعيبك ودغيا صلحيها.

[فاطمة البشر]

هدى الله حواء إلى الخير والصلاح
سلمت أناملك عزيزتي على الطرح
ودي ووردي

[فتيحة الدرابي]

شكرا لك أختي الغالية فاطمة على مرورك تحياتي القلبية .