|
|
||||||||
 |
 |
|||||||
|
||||||||
|
||||||||
|
31 / 07 / 2008, 22 : 05 AM
|
رقم المشاركة : [1] |
|
ضيف
|
الزجالة نهاد بنعكيدا- نبذة وقصيدة
 
قيد الطبع :
تبركيمات أو شذرات زجلية [align=center] إخس غامة .....أمادغيس وقفت لمناول بين اكتافي وطليت من شرجم ليلي نسرق الشوفة فـ خيالك وهو دايز شهوتي نشوفك ونرمي الركمة بلون حروفك حمراني هاذ الليل والشوفة فيه مقطعة طراف طراف ماعندي عليك هروب غير نطيح عيني فـ لبياض نتوسد ركبة الورقة يتيمة أنا فأرض حروفك مقطوعة من بياضك وجدري لمجدر مسقي بلحرقة فكريني يا ورقتي علاش انا فيك ؟؟؟؟ انتي دماغي رديني لمجاجي نتمرغ ف رملي الحامي نتعلق بجذور نخلتي لمجردة نتلثم بزروقية السما نركب فوق حلمي العالي نشد الطريق لقبيلة أمدغيس قالت مولات الفال : إخس غامة من ألف عام وها انت ساكن منامتي قاطع الطريق على ليلاتي مكمش فـ يديك نهاراتي وخا حامية شمسي وخا قهرت فلفليافي شحال من قيسي ها أنت مسلطن سلطان ايامي تاج مجاجي هازم بجيوش غرامك ريح يأسي وتراب اعجاجي إخس غامة و كيف الوصول ليك ؟؟؟؟ وانا ريحي مكسور لجناح وسوالفي مجدافها قصيرة وطريق القلب طويلــــــــــــــــة طـــــــــــــــــــــــــــــــــويلة امادغيس أنت الطريق وشحال كليت فيك من خطوة ولا وصلت ليك أنت التيه وشحال من نجمة طمعتني بخيط شعاها ولا لاحتني فيك أمادغيس : اتقطع بيا لحبل فـ فيافيك وزطاط قلبي يسال ويسول قوافل شادة الرحال ولا عطاتني الطوع ولا النعت عليك أمادغيس : لا تغودا محال توصل ليـــــــــــــــــــــك أمادغيس : حورية .............نتكب فـ وادك جنية...................نتسيف ف نارك ف دارك ف خيمتك وتادك جوادك نحرق قلبك وكل ليلى قطرتها شموعك على ورق اشعارك أمادغيس : اسمعني بجوارحك اقراني تيفيناغ فحيط جراحك شمني وردة سمرة لون بيها افراحك وإيلا مشى ريحي وع رياحك الربعة حكيني حكاية للقمرة والشمعة أمادغيس : انت شبيهي .....ف فرحي شبيهي .......ف جرحي شبيهي........... ف قرحي انت شبيهي .....فـ مكتوبي المطروز على لوحي انت ................... انا انا ..........انت أمادغيس أنت الطير الحر وأنا سماك طير فيا اطلع لبرج العشاق وعطيها للتبراح صلاتك ف مقامي واجبة ادخل ديري و ديني أنا فـ محراب هواك راهبة اطلق بخور محاينك وتجلى.... شيخ .....فـ بهاك وفوق جلدي سيح شتت أجر هواك على بساطي وحبات التسبيح أمادغيس طابت لجراح وغدا ملقانا والوحدانية عطاتنا بالظهر قول : يمكن اطلع الزهر ما بين كثبان الرمل ثمرات نسفوها على الريق أمدغيس العطش وأنت الما حلو لعطش والما فيك أمدغيس الطريق وأنت الخطوة طريقي صاوبتها بلممشى ليك بين مروج الزعتر أمادغيس يمكن شربتنا الطريق وصلنا لغدا وبعد غدا يمكن الحلم الراقد فينا بدا يفيق أمادغيس لعطش لفيافي وقلة الزاد جغمة من بيرك الغارق تغرقني وتهيجني بحر حجرة سمرة منك نفرق الصوم نتوسدها نرتاح من ظلم الطريق وحمورية لقهر شوم حنين يسوط على جوارحي برد وسلام م الحر أمادغيس شهوتي .... نقطة ما ...سمرة من واحة عينيك نشربها ف كفوفك ونزيد أمادغيس ملقانا غدا فـ لخلوة نشوفك غدا عيد نهز كفوف شوقي ودعايا لسماك العالية شوقي بلا جناح يطير ويطيح تتحتحت منو حنتو وحروفو إخس غامة رمان ودالية محنية يديا ليك حبق سوسان نعناع مشموع بلعمان ريش النعام هدي مرفودتي ليك أخس غامة علاش أنا فيك ؟؟؟؟ هوامش: إخس غامة: تعني باللغة الأمازيغية أحبك أمدغيس : إسم علم أمازيغي [/align] نور الأدب (تعليقات الفيسبوك) |
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الزجال علي مرزوق- نبذة وقصيدة | توفيق البيض | فضاءات الزاجل والنبطي والشعبي | 5 | 11 / 05 / 2010 59 : 09 PM |
| محمد الزروالي- نبذة وقصيدة | توفيق البيض | فضاءات الزاجل والنبطي والشعبي | 0 | 31 / 07 / 2008 10 : 04 AM |
| الزجالة فاطمة شبشوب( رحمها الله)- نبذة وقصيدة. | توفيق البيض | فضاءات الزاجل والنبطي والشعبي | 0 | 31 / 07 / 2008 32 : 03 AM |
| الزجال خالد بوكلة- نبذة وقصيدة | توفيق البيض | فضاءات الزاجل والنبطي والشعبي | 0 | 31 / 07 / 2008 20 : 02 AM |
| الزجالة نصيرة عبد المومني- نبذة وقصيدة | توفيق البيض | فضاءات الزاجل والنبطي والشعبي | 0 | 31 / 07 / 2008 13 : 12 AM |
الساعة الآن 49 : 10 PM
 |
