[مرمر يوسف]

العدل بين الناس مطلوب0000000 والظلم له عاقبة وخيمة

واللى حداه عقل وتمييز0000000 يجعل لنصح الناس قيمة

واحد غنى كان م التجار000000 خلف من الأولاد ولدين

ولد كبير اسمه محمد0000000 أما الصغير اسمه حسين

الواد محمد من صغره000000 كان واد شقى عفريت شعنون

طول النهار يجرى و يلعب0000 مع العيال زى المجنون

و الواد حسين كان واد عاقل0000 هادى كويس و فى حاله

شكل الهداية على وشه 0000000 نادر اذا شفت مثاله

و بعد ما كبروا الولدين0000000 وبالزمن بقوا رجاله

حسين فضل طيب طيب000000 واخوه طلع كله رزالة

مرض ابوهم على سهوة000000 ومات وساب لولادة المال

وساب لهم عزبة كبيرة000000 فيها بقر ومعيز و جمال

قام راح محمد من لؤمه000000 زور وصية بختم أبوه

و كل شيء كتبه باسمه00000قام انحرم م الورث أخوه

عمك حسين كان ابن حلال0000 حليم قوى و طيب و قنوع

لما أخوه سف حقوقه0000000 قعد يفكر فى اوضوع

قعد يفكر يعمل اية000000000 و الصبح باع كل عزاله

وراح مسافر فى ساعتها00000 عشان يدبر أحواله

راح السودان تاجر حبة0000000و راح مجاهل افريقية

لقى قبيلة ناس م السود0 0 000 ملكها اسمه زرنيقا

قال للملك عدل جلالتك0000000 وحكمتك وجمال نورك

فى الدنيا لما سمعنا به000000 من مصر جيت لاجل أزورك

وكان حسين واخد وياه0000000 طبق وحلة و قصريه

قال للملك انا جايب تاج0000000 يليق لمولايا هدية

زرنيقا شاف القصرية00000000 فرح وقال يا سلام ع التاج

وراح محضرله هدية00000000 من ريش نعام وأنياب فيل عاج

وراح محمله مراكب00000000من جلد نمر ودهن نعام

وجاب ته ست جواز غزلان00000 وفول سودانى وصندل خام

رجع لمصر عمل تاجر0000000 و صار غنى أغنى من أخوه

وجوله أهله وأصحابه00000000 عشان يباركوا و يهنوه

وجه أخوه شافه و قال له0000000 العز ده جالك من فين

حسين حكاله على الرحلة00000000 قام قال له يبن الإيه يا حسين

ودغرى باع الكام فدان0000000000 اللى بقوا من عزبة أبوه

وخد هدية دهب و حرير0000000000 وحب يعمل زى أخوه

راح للملك و اتقدم له 00000000000 وقال له جيت لك بهدايا

قال الملك عال مقبولة0000000000 دا شيء مفيش منه حدايا

قعد هناك شهر فى إكرام00000000 ولما جه يرجع تانى

قال له الملك فى سلامة الله0000000 اعذرنى و أعذر أوطانى

مافيش فى مملكتى يوازى0000000 هديتك غير تاج الراس

وراح مناوله القصرية00000000 رجع بها موكوس محتاس

تمت