التسجيل قائمة الأعضاء اجعل كافة الأقسام مقروءة



 
مساحة اعلانية
عدد الضغطات : 0مساحة اعلانية
عدد الضغطات : 0

اهداءات نور الأدب

العودة   منتديات نور الأدب > واحة نــور الــشــعـر > بحار وشطآن > فضاءات الزاجل والنبطي والشعبي
إضافة رد
 
أدوات الموضوع
قديم 09 / 01 / 2008, 58 : 10 PM   رقم المشاركة : [1]
أ. د. صبحي النيّال
ضيف
 


مجهولي


مجهولي Majholi
مجهولي




طُلي بيكفي بقا يا حلوة الحلوين
ناطـر وصولك عمُر مش هيك معقولي
تبقي تمُري حلم بعيون سهرانين
يمـا بصحرا وهـم أمطـار وسيولي
قضيت عمري معك باالقلق والتخمين
تـامُرض قلبي وقلـت إنتِ المسؤولي
وقلت يمكن إذا سمعت مرضنا تلين
تـاري طلعت صخر مش طين مجبولي
وصرنا أنا والعقل أفكار مختلفين
أفكـار صـارت عن التفكير مشلولي
أسأل لنفسي أنا إنتِ إذا مجانين
قـولي ما عاد الأمر يستاهـل تقولي
هوني جواب سمعت أصوات تعبانين
أصـوات تلهت من التـاريخ منقولي
كلمهِ وحيدي سمعت حبيت يامسكين
كلمهِ بصعوبي سمعت وفهمت بسهولي
لكن شو النفع الفهم في ناس فهمانين
في ظُل عقـدهِ بكسرة قلب محـلولي
مثل الحقيقه إل إجت في نفس للتطمين
وبنفس مثلهـا إجت بسيوف مسلولي
معليش قالو الجرح فينا طبيبو سنين
لا إبن سينـا ولا أعشـاب ومصولي
بيطيب جرح الهوى أوجرح من سكين
بيطيب جرح الغدر في موقف رجولي
بيطيب جرح ال بقي ما بين لمحبين
بشفاف تنقُل أسف في جمل معسولي
بيطيب جرح الجفا في وصلة الجايين
والكفر جرحو ختم توبـات مقبولي
بس ال بروحو انجرح مالوحدا بيعين
بيعيش ظـُل وخيـال بنفس مقتولي
هيدا يا قلبي أنا من بين مظلومين
مشيو حفايـا درب باالشوك مأهولي
ومن بعد ياء والف من بعد جيم وسين
شفت الحقيقه معـك يـا إم جدولي
إنت بعالم هوى ما بينو تـلوين
منو حياتي أنـا باالـروح موصولي
إنتِ بعتمهِ فجر غنت إلو حساسين
يا غبن نفسي أنا باالصبح مشغولي
ضلي بعمري سطر مكتوب للتلحين
وعالسان فيكِ انغرم أشعار محمولي
ومعليش فيي إذا شمتو الشمتانين
نفسي بحُبك ما كانت يوم موجولي
ضليت حبك قمر بعيون سهرانين
حجاب الطبيعه إلـو ما غيّر ميولي
ضليت شوفك أمل بعيون فلاحين
تقشع غيوم السما خيرات بحقولي
ضليت حبك أنا في قلب عرفك مين
ويضل قلبي لعقلي يقـول مجهولي......


مجهولي

الشاعر/ محمد شريم:

ولد بتاريخ 20/9/1962م في محافظة الخليل بفلسطين،وينتسب إلى قرية ديرأبان إحدى قرى القدس الشريف ، ويقيم في مدينة الدوحة بمحافظة بيت لحم.وهو حاصل على بكالوريوس في اللغة العربية وآدابهاودبلوم في التربية من جامعة بيت لحم في العام 1988م ، ودبلوم مركز تدريب المعلمين برام الله عام 1982م.عضو الاتحاد العام للكتاب والأدباء الفلسطينيين، وأمين سر المنتدى الثقافي الإبداعي في محافظة بيت لحم.له نتاج منشور في الصحف والمجلات الفلسطينية منذ العام 1979م، كما نشر بعض انتاجه في الصحافةالعربية خارج فلسطين . ونشر نتاجه الشعري في كتب مختلفة، وله ثلاثة دواوين شعرية هي : 1) ترانيم للزنابق الفلسطينية : ( مجموعة شعرية بالاشتراك مع شاعرين آخرين ) ـ منشورات الرواد ـ القدس ـ 1982م. 2) صدى الوطن : دار الكاتب ـ القدس ـ 1985م . 3) الوهج : دار الماجد للطباعة والنشر ـ رام الله ـ 2004م.


l[i,gd


نور الأدب (تعليقات الفيسبوك)
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 45 : 11 AM


Powered by vBulletin® Copyright ©2000 - 2020, Jelsoft Enterprises Ltd.
Tranz By Almuhajir *:*:* تطوير ضيف المهاجر
Ads Management Version 3.0.1 by Saeed Al-Atwi

الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية

خدمة Rss ||  خدمة Rss2 || أرشيف المنتدى "خريطة المنتدى" || خريطة المنتدى للمواضيع || أقسام المنتدى

|