[حسن الحاجبي]

الحمد لله في كل زمان
و السلام على ميركان
جابت الهنا جابت لامان
لامريكا الف قبلة
البيت الابيض رجع قبلة
جاتنا منو البشارة
كا تتوزع بالطيارة
جاتنا السعادة تتمشى
جات فرينة فالخنشة
مات العربي خاب زمانو
زاد الكوبوي في طغيانو
و الزعماء غدرو خانو
لفو الشهيد وسط اكفانو
الصهيوني طغى و تجبر
كوبوي عطاه الضو لخضر
يقتل شيوخ يذبح صبيان
ييتم اطفال يرمل نسوان
يزرع الرعب في كل مكان
العرب قالو لا للطغيان
تفجر غضب كيف البركان
مسيرات فجميع البلدان
تهتف و تهيج كيف الطوفان
الزعماء شافو ما كان
قالو خصنا نديرو جماعة
نوقفو بجنب الشعب الغضبان
ضربو موعد عند القاعة
قالو المسؤولة ميركان
تخاصمو فرقوه فساعة
رجعو تجمعو لعنو الشيطان
غضبو جدبو دارو حضرة
ما فاتوشي حد الهضرة
قالو باركة من الحكرة
حتى لاين هاد البهتان
صدرو بيان كيف العادة
اضعف الإيمان هو هدا
خرجو هذا مخاصم هذا
حرمو الجهاد و الشهادة
علنو الاحكام العرفية
قالو لنا نساو القضية
نساو العراق المجروحة
و جباليا و غزة المذبوحة
نساو الضفة و الجولان
و كترو من الحمد لميركان
جابت الهنا جابت لامان
جابت الشوكة للصبيان
جابت الكينة للنسوان
جابت النعالة للحفيان
جابت الحمالة للعريان
جابت جلبانة للخرفان
جابت لينا حقوق الإنسان
لله الحمد في كل زمان
و السلام على ميركان


حسن الحاجبي .

[نادية الزوين]

ياسلام , ياسلام على اللهجة المغربية الرائعة
ياسلام على هذا البوح الانيق المتسامي
يا سلام على هذه اللغة الحية الراقية
ياسلام على ها العصفورة المنتشية روعة الفجر المستحمة بزخات البرد
من هناك من المغرب ننسج الصور ونرسم باطراف الكلمات بوح العصافير