[ليلى مرجان]

من أرشيفي

لَغْرابْ لَعْوَرْ

ﮔـمْرَا كُنْتْ في سْمايا عالية
مْضَوْيَة على الأغراسْ و الدَّالية
شَمْسْ وُ كان نوُري وَضَّاحْ
غنَّى به الطَّير الصَدَّاحْ
نَخْلة أنا بلوحي طَابْ
و اصبَحْ تَمْرُو احْلُو مُسْتَطاب
شافوا لَغْرابْ لََعْوَرْ
عليه دَمَّرْ وُ قَمَّرْ
وُ خاصَمْني مع الجَّارة صاحْبَة لَعْمَرْ
وُ كادْ لي كيدة منها كيَّاني تَذْبَرْ
حْمَلْ عْلِيَ حَمْلَة الواد لَمْخَنْتَرْ
وُ هاجْ عْليَ هَيْجَةْ لَبْحَرْ
ما كانتْ لي فْ البالْ و بها ما كُنْتْ نَشْعَرْ
كان مْسانَدْني و هي خُطَّة لِيَ كان مْدَبَّرْ
و ارْماني فْ شْباكْ مْخَيْطَة بلون احمر
سيَّلْ دمي و اجعلْ ارضي قْبَرْ
طامع فْ خيراتها وُ تِقْتِي به رَدْ عليها بالَغْدَرْ
لكن ترابْها في عيْنُه رْميتُه جْمَرْ
عْلى رَمْزْ بْلادي اللِّي طَيْحُ يَتْباهَى مْجَبَّرْ
سَنِّي بْسَنو وُ عيْني بْعَيْنو حتَّى داقْ لَقْهَرْ
كسَّرْتْ مُرادو وُ قَلاَّتْ حيلْتو عْْيا ما يْدَبَّرْ
و اللّهْ خُطْتو ما تَتْحَقَقْ وَ خَّا عليها اسْهَرْ
ما خَليتْ الفرحة فْ عَينو تَظْهَرْ
ارجعْ ناكَسْ راسو بادي من الصْفَرْ
ضاقْ الأزمة و الذل وُ لَقْهَرْ
حتى من السْباطْ على وَجْهُ تْشَيَّرْ
تَحْـﮕـرْ حُـﮔرة وُ هو اللِّي كان مْسَيَّرْ
الكل تحت يَدِيهْ، ناسي راه لِيَّام تَتْغَيَّرْ
ياكْ دَمْ العرْبي حْماوْتُ نارْ تْطَيَّرْ
كُلْ سليط على الحُرْ اللِّي تْخَيَّرْ
قادْ يْرُدْ المَجْدْ لَبْلادُ وُ عليها نابو يْكَشَّرْ
وُ بَتْمَرْ نْخَلْها يَفْرَحْ ما يْقَرَّبْ ليه
شي غْرابْ اعْوَرْ

[خولة السعيد]

أعتقد يمكن للمتلقي أن يقرأ نصك الزجلي الفني هذا بدلالات متعددة..
اجدت قولا وأبدعت عزيزتي

[ليلى مرجان]

طبعا عزيزتي خولة كل نص يكون منفتحا على عدة قراءات حسب الذوق الأدبي للمتلقي.
دمت قارئة واعية ودمت لي بالجوار

[ليلى مرجان]

طبعا عزيزتي خولة كل نص يكون منفتحا على عدة قراءات حسب الذوق الأدبي للمتلقي.
دمت قارئة واعية ودمت لي بالجوار