غزل شامي .. ( ياهيك الغزل .. يا بلا )

07 / 04 / 2008, 00 : 03 PM

غزل شامي

[align=center]

بحبك حب الشباك ... للبرداية

[/align]

[align=center]

بحبك حب الأرنبيط ... للكوساية

بحبك حب الشلمونة ... للكولاية

بحبك حب الطشط ... للكبجاية

يا ريت تكوني شخبرة ... وكون أنا المحاية

يا ريت تكوني بريات ... وكون أنا البراية

يا ريت ما تحطيلي زء ... لما بكون جاية

بحبك حب المألمة ... للشنتاية

يا ريت تكوني عوجا ... وكون أنا العرباية

يا ريت تكوني طربيزة ... وكون أنا كنباية

يا مدلوئة حياتي .. وشعيبيات عمري .. ووربات بئشطة روحي .. يا أحلى زبدية محلاية

بحبك حب الريموت ... للتلفزيون

بحبك حب درفة الباب ... للمندلون

بحبك حب بنت أخي الفصعونة ... لسبيس تون

بحبك حب أبو السوم ... للطابة

بحبك اذا كنت متنحة ... أو حبابة

بحبك حتى لو كان صوتك ... متل موتور الدبابة

سمعيني شوي لحتى احكيلك ... هالقصة

ياريت تكوني حنفية مي عم تشرشر ... وأنا بعصّا

انشالله ما يبلا هالطول ... متل عرق الفصّة

ياريت تكون معي هيكة كمشة بزر وأعطيكي نصّا

بحبك حب منير الجبّان ... لكلمة صباح الخير

بحبك حب جهاد سعد ... لبرنامج خبرني يا طير

لك بتسدقي ؟؟

بحبك حب جورج بوش ... لتوني بلير

بحبك حب الآرمة للعامود

بحبك حب الزلائط للمعود

بحبك حب السعادين للقرود

بحبك اذا كنتي ساكتة ... أو عم تحاكينا

بحبك حب ابن أخي الفصعون ... لبوظة كارينا

بحبك حب البردآن ... للكرمنتينا

بقى حاجة ... جننتينا .

شـــــــــو رأيكم ......... دام فضلكم ..؟؟؟ عندي حق قول يا هيك الغزل .. يا بلا .. صح ؟؟

أختكم شـــــــــــام

[/align]

كنان سقيرق · 10 / 04 / 2008, 31 : 04 PM

من ناحية معك حق .... طبعاً معك حق .... أنا متأكد من موضوع أساسي ورئيسي هو التالي: لم يفهم أحد هذا الغزل إلا أهل الشام وبالتحديد هذه الجملة:

يا مدلوئة حياتي .. وشعيبيات عمري .. ووربات بئشطة روحي .. يا أحلى زبدية محلاية

يسلمووووووووووووووووووووووووووووووووووووووووو ووا أختي

29 / 05 / 2008, 24 : 01 AM

ههههههههههههههههههههههههههههههههههههههههههه

يا هيك الغزل يابلاااا عنجد غزل بجنن وخاصة الي قالها كنان

يسلموايديكي شامووو على الغزل هاد

تقبل مروري اخوكي محمد

29 / 05 / 2008, 11 : 07 PM

الله يعطيك العافيه,بصراحه غزل حلو كثيررررررررررررررر
بس فيه بعض المصطلحات مو فاهمتها

29 / 05 / 2008, 41 : 07 PM

غزل شامي على سن ورمح هههههههه

أضحك الله قلبك ياخيتووو

29 / 08 / 2008, 12 : 07 PM

هههههههههههههه
شعر موزون

بس في كلام كتتتير مفهمتوش
واضح انه كلام شامي عميق

ماهر جمال عمر · 30 / 08 / 2008, 56 : 08 AM

مع انو طفولتي كانت مع أطفال من الشام و اخدت منهم كتير مفردات بس بجد متل هيك حكي يعني بدي قاموس

و الله حلوو الواحد يلاقي بنت حلال من الشام تتغزل فيو هيك

بجد يسلمو اختي

و كل عام و انتم بخير

نصيرة تختوخ · 04 / 02 / 2010, 08 : 09 PM

بحبك حب جورج بوش ... لتوني بلير
هذه انتهت صلاحيتها ههه
تحياتي

ناهد شما · 05 / 02 / 2010, 45 : 05 AM

بحبك حب الجرابات للصرماية ..!
لك بحبك حب سلاحف النينجا للبيتزاية !!
بحب ضحكتك يللي متل صوت المعزاية
>> بحبك حب الدؤونية لللهاية...
أحلى غزل شامي

هلا عكاري · 05 / 02 / 2010, 02 : 11 AM

شكرا أختي على الضحكات التي منحتني اياها بمجرد قراءتي لهذا الغزل الشامي الجميل..
ههههههههههههههههههههههههههه
فعلا ياهيك الغزل يا بلا...